Առաջարկում ենք ձեզ այս հետաքրքիր բաղադրատոմսը, շերտավոր տորթ թարմ հատապտուղներով և հարած սերուցքով:
Շերտավոր խմորով աղանդերի բույրն ուղղակի հիասքանչ է, այն ստացվում է հիանալի և միշտ բոլորին դուր է գալիս։
Շերտավոր տորթ. Անհրաժեշտ բաղադրիչները
_Շերտավոր խմոր 500 գր
_Շաքարավազ և ջուր՝ ցողելու համար
_Թարմ կամ սառեցված հատապտուղներ 250 գր
_Շաքարավազ 2 ճաշի գդալ
_Եգիպտացորենի օսլա 1 թեյի գդալ
_Կես կիտրոնի հյութ
_Հարած սերուցք 350 գր
_Բնական յոգուրտ կամ մածուն 250 գր
_Շաքարի փոշի 3 ճաշի գդալ
Շերտավոր տորթ. Պատրաստման եղանակը
_Խմորից շրջանակներ գրտնակել, ցողել ջրով և ցանել շաքարավազ, ծակծկել պատառաքաղով։
_Այդպիսի 2 շրջանակ պետք է լինի և դրանցից մեկը կտրատել եռանկյունիներով, ստանալ 12 — 14 կտոր, նույնպես ցողել ջրով և ցանել շաքարավազ։
_Թխել 200 աստիճանով մոտ 15-20 րոպե։
_Հատապտուղները խառնել շաքարավազի, օսլայի և կիտրոնի հյութի հետ, եփել մինչև թանձրանա։
_Սերուցքը հարել, ավելացնել շաքարավազը և հարել մինչև թանձրանա։
_Զանգվածին ավելացնել մածունը և հարել կրեմը մինչև հարթվի։
_Բացվող օղակի մեջ տորթը կազմել, դնել շերտը, վրան կրեմը հատապտղի զանգվածը և ծածկել կրեմով։
_Վրան շարել թխած խմորի եռանկյունները։
_Տորթը ծածկել խոհանոցային թաղանթով և դնել սառնարանը, որպեսզի սառչի և կայունանա 3 ժամը բավական կլինի։
_Օղակը հանել և տորթը մասերի բաժանել, մատուցել սեղանին։
Տորթը շատ նուրբ և փափուկ է ստացվում, ցանկության դեպքում կարող եք զարդարել շոկոլադով և նուշի թերթիկներով։
Բարի ախորժակ:
Տեսանյութ
Նապոլեոն տորթ
