Երբ առաջին անգամ տեսա այս Շոկոլադե աղանդերի բաղադրատոմսը, աչքերս փայլեցին: Գրավեց նաև այն, որ պետք չէ թխել։ Աղանդերը բաղկացած է ալյուրից, կաթից և երեք տեսակի շոկոլադից՝ յուրաքանչյուր շերտի համար մեկական։
Որպես խտացուցիչ կօգտագործենք եգիպտացորենի օսլա։ Դրանով զանգվածը կպնդանա, բայց կմնա նույնքան նուրբ, սերուցքային։ Ներքևի երկու շերտերը հիմնականում կրեմ են: Աղանդերը ծածկում ենք շոկոլադե գլազուրով։
Որպեսզի պատրասստելիս կրեմը չայրվի, անհրաժեշտ է անընդհատ խառնել։ Եվ, իհարկե, որքան ընտրված մթերքների որակը բարձր լինի, այնքան աղանդերն ավելի համեղ կլինի։
Շոկոլադե աղանդեր. Բաղադրիչներ
_Կաթ 1,1լ
_Շաքարավազ 6 ճաշի գդալ
_Ցորենի ալյուր 4 ճաշի գդալ
_Եգիպտացորենի օսլա 2 ճաշի գդալ
_Կակաոյի փոշի 2 ճաշի գդալ
_Կաթնային շոկոլադ 50 գ
_Կարագ 40 գ
_Վանիլին, մի պտղունց
_Սպիտակ շոկոլադ 50 գ
_Մուգ շոկոլադ 150 գ
Շոկոլադե աղանդեր. Պատրաստման եղանակը
_Կաթսայի մեջ լցնել 500 մլ կաթ, ավելացնել 3 ճաշի գդալ շաքարավազ, 2 ճաշի գդալ ալյուր և կակաո, 1 ճաշի գդալ օսլա:
_Հարում ենք խառնիչով և դնում միջին ջերմության վրա։ Անընդհատ խառնելով զանգվածը տաքացնել և ավելացնել կաթնային շոկոլադը։
_Հասցնել եռման աստիճանի, ապա ավելացնել 10 գ կարագ և շարունակելով հարել, եփել ևս 1 րոպե, մինչև թանձրանա։
_Զանգվածը լցնում ենք ուղղանկյուն կաղապարի մեջ, և երբ սառչի՝ դնում ենք սառնարանը, որ պնդանա։
_Երկրորդ շերտի համար խառնել 500 մլ կաթ, 3 ճաշի գդալ շաքարավազ, 2 ճաշի գդալ ալյուր, 1 ճաշի գդալ օսլա և վանիլին: Դնել կրակին և անընդհատ խառնել։
_Ավելացնել սպիտակ շոկոլադը և լուծել, ապա լցնել 10 գ կարագ և զանգվածը հասցնել խիտ վիճակի։
_Սպիտակ շերտը լցնել արդեն սառած շոկոլադային շերտով կաղապարի մեջ, սառեցնել և դնել սառնարանում 1 ժամ։
_Տաք եռացրած կաթի մեջ (100 մլ) լուծել մանր կտրատած մուգ շոկոլադը, ապա ավելացնել 20 գ կարագ:
_Պատրաստի գլազուրը լցնել վերջին շերտով, հարթեցնել և դնել սառնարանը ևս 30 րոպե։
Սերուցքային աղանդերն այնքան նուրբ է, որ հալչում է բերանում։ Մատուցելուց առաջ այն պետք է պահել սառնարանում, հակառակ դեպքում կհալվի։
Պատրաստեք այս Շոկոլադե աղանդերը և կիսվեք բաղադրատոմսով ձեր ընկերների հետ:
Բարի ախորժակ:
Տեսանյութ
Տնական նուտելլա
