Շոկոլադե թխվածք սպիտակաձավարով. Այս բաղադրատոմսը յուրաքանչյուր տնային տնտեսուհի պիտի ունենա

Իմ ընտանիքը անհամբեր սպասում է հանգստյան օրերին, որպեսզի ես վերջապես կարողանամ պատրաստել այս անհավանական Շոկոլադե թխվածք սպիտակաձավարով։

Այն իսկապես պատրաստվում է հեշտությամբ, արագ և  շատ փափուկ, քնքուշ ու բուրավետ է ստացվում: Հավատարիմ մնալով ստորև նշված համամասնություններին, դուք 100%-ով գոհ կլինեք արդյունքից։

Սա ամենապարզ տնական խմորեղենն է, որը կարող եք զարդարել պարզապես շաքարի փոշիով և անանուխով։ Կարող եք նաև լցնել շոկոլադե գլազուր կամ պատրաստել տանձով լցոն, որի պատրաստման մասին կխոսենք ստորև։ Փորձեք անպայման:

Շոկոլադե թխվածք սպիտակաձավարով. Անհրաժեշտ բաղադրիչներ

_Կարագ 100 գ

_Թթվասեր 300 գ

_Սպիտակաձավար 150 գ

_Ձու 4 հատ

_Շաքարավազ 150 գ

_Ցորենի ալյուր 130 գ

_Կակաոյի փոշի 3 ճաշի գդալ

_Փխրեցուցիչ 1 թեյի գդալ

_Արևածաղկի ձեթ 2 ճաշի գդալ

_Վանիլին 2 գ

_Մուգ շոկոլադ 100 գ

Շոկոլադե թխվածք սպիտակաձավարով. Պատրաստման եղանակը

_Սպիտակաձավարը խառնել թթվասերի հետ և թողնել ուռչի մեկ ժամ։

_Ավելացնել բուսայուղ, կակաո, փխրեցուցիչ։ Ալյուրը մաղել վրան և խառնել:

_Շաքարավազն ու կարագը հարել սենյակային ջերմաստիճանում մինչև փարթամ դառնալը։

_Շարունակել հարել՝ հերթով ավելացնելով մեկական ձու։

_Երկու զանգվածներն էլ միացնել և հարել մինչև հարթ լինի։

_Ձևամանը յուղել և լցնել խմորի կեսը։ Մեջտեղում մի սալիկ մուգ շոկոլադ դնել։

_Խմորի երկրորդ կեսը լցնել շոկոլադի վրա։

_Թխել 50 րոպե 180 աստիճան ջերմաստիճանում։ Պատրաստ լինելը ստուգել լուցկիով, բայց ոչ մեջտեղում (այնտեղ հեղուկ շոկոլադ կա)։

_Թող թխվածքն ամբողջովին սառչի կաղապարի մեջ։

_Այժմ զարդարման համար 3 հատ տանձ կտրատել խորանարդիկներով, մի քիչ ջրով եփել կաթսայի մեջ, մինչև մի քիչ փափկի։

_Ավելացնել ջրի մեջ լուծված 10 գ ժելատին։ Մի քիչ շոկոլադ քերել։

_Այնուհետև գդալով լցնել ստացված զանգվածն ամբողջ թխվածքի վրա:

Թող մրգային շերտը սառչի և կարող եք մատուցել:

Վստահեցնում եմ, համն ուղղակի անմոռանալի է։

Բարի ախորժակ:

Տեսանյութ

Բիսկվիթ սալորով