Շոկոլադե տորթ Էսկիմո թխելու համար պետք են մի քանի մատչելի բաղադրիչ և համբերություն: Սիրելի քաղցրավենիքի համար հարմար է ցանկացած կրեմ, նույնիսկ ամենապարզը՝ կարագով և խտացրած կաթով:
Շոկոլադե տորթ Էսկիմո. Անհրաժեշտ բաղադրիչները
— ձու 4 հատ
— շաքարավազ 180 գ
— ջուր 100 մլ
— ալյուր 130 գ
— փխրեցուցիչ 1 թեյի գդալ
— կակաո 3 ճաշի գդալ
Կրեմը պատրաստելու համար վերցրեք.
— կաթ 250 մլ
— ձու 2 հատ
— ալյուր 3 ճաշի գդալ
— շաքարավազ 60 գ
— կարագ 250 գ
— վանիլին
— կես բաժակ խտացրած կաթ
Ներծծումը պատրաստելու համար
— շաքարի փոշի 2 ճաշի գդալ
— կաթ 200 մլ
Ջնարակը պատրաստելու համար անհրաժեշտ է.
— կակաո 3 ճաշի գդալ
— շաքարավազ 3 ճաշի գդալ
— թթվասեր 3 — 5 ճաշի գդալ
— կարագ 50 գ
Շոկոլադե տորթ Էսկիմո. Պատրաստման եղանակը
Բոլոր մթերքները պետք է լինեն նույն ջերմաստիճանում՝ կա՛մ սենյակային ջերմաստիճանում, կա՛մ սառնարանից:
_ Ձվերը բաժանել սպիտակուցների և դեղնուցների և առանձին հարել։
_ Այնուհետև յուրաքանչյուրին ավելացնել կես բաժակ շաքարավազ և լավ հարել մինչև փարթամ ու կայուն գագաթներ առաջանան։
_ Դեղնուցների մեջ ջուր լցնել ու խառնել, զանգվածը լցնել սպիտակուցների մեջ ու հարիչի դանդաղ արագությամբ հարել։
_ Ալյուրը խառնել կակաոյի հետ, մաղել ու լցնել հեղուկ զանգվածի մեջ։ Ընտրեք ամենաբարձր որակի կակաոն տորթի շոկոլադե համի համար:
_ Ձևամանը ծածկել յուղաթղթով և լցնել խմորը։
_ Ջեռոցը տաքացնել 180 աստիճանով։ Թխել 20-25 րոպե, չոփիկով ստուգել պատրաստ լինելը։
_ Պատրաստի բիսկվիթը կտրատել 2 մասի։
_ Ձվերը լցնել կաթսայի կամ հաստ հատակով տապակի մեջ, հարել ու ավելացնել կես բաժակ շաքարավազ ու կես բաժակ խտացրած կաթ, վանիլին ու ալյուր։
_ Խառնել և մաս-մաս լցնել կաթը, հարել մինչև հարթ լինի և եփել միջին ջերմության վրա մինչև շատ թանձրանա:
_ Կրեմը հարել բլենդերով և թողնել հովանա։
_ Կարագը փափկացնել և հարել կրեմի հետ։
_ Կաթը խառնել շաքարի փոշու հետ և թրջել բիսկվիթի շերտերը։
_ Խառնել նշված բոլոր բաղադրիչները և պատրաստել ջնարակը։
_ Տորթը կազմել՝ շերտերին քսել ներծծման օշարակը և կրեմը, տորթի կողքերին քսել կրեմը և զարդարել ըստ ճաշակի։
Մի երկու ժամով տորթը դնել սառնարանում։
Բարի ախորժակ:
Տեսանյութ
Տորթ Էսկիմո
