Այսօր ուզում ենք ձեզ ներկայացնել նրբահամ Շոկոլադե տորթ կոկոսով արագ թխվող բաղադրատոմս: Այն շատ համեղ է ստացվում և հարմար է տարբեր առիթների համար:
Շոկոլադե տորթ կոկոսով. Անհրաժեշտ բաղադրիչները
_Ալյուր 240 գր
_Կակաոյի փոշի 50 գ + 1 ճաշի գդալ
_Սոդա 1 1/4 թ/գդ
_Աղ 1/3 թ/գդ
_Խնձորի քացախ 1 1/2 թեյի գդալ
_Նուշի կաթ 320 մլ
_Կոկոսի յուղ 100 մլ
_Վանիլի էքստրակտ 1 թեյի գդալ
_Շաքարավազ 200 գր
_Կոկոսի սերուցք 250 գր
_Շաքարի փոշի 2 ճաշի գդալ
_Մուգ շոկոլադ 20-30 գր
Շոկոլադե տորթ կոկոսով. Պատրաստման եղանակը
_Ջեռոցը տաքացնել մինչև 180 աստիճան։ Տարայի մեջ խառնել ալյուրը, կակաոն, սոդան և աղը։
_Կաթը և քացախը հարել մինչև փրփրի, ապա լցնել հալված կոկոսի յուղը, շաքարավազը և վանիլի էքստրակտը:
_Կաթնային խառնուրդին երեք մասով ավելացնել ալյուրը և զգուշորեն խառնել։
_Խմորը բաժանել 18 սմ տրամագծով երկու կաղապարների մեջ և թխել ջեռոցում 25-30 րոպե։ Փայտիկով ստուգել պատրաստ լինելը:
_Մինչ թխվում են, հարել կոկոսի սերուցքը շաքարի փոշիով, մինչև պնդանա և բաժանել երկու մասի, դրանցից մեկին խառնել կակաոյի փոշի։
_Երբ շերտերը սառչեն, հավաքել տորթը՝ քսել կոկոսի սերուցքի կրեմը շերտերին, վրան քսել շոկոլադե կրեմը և ցանել շոկոլադե քերուկ:
Կոկոսով տորթը պատրաստ է:
Բարի ախորժակ:
Տեսանյութ
Տորթ Բաունտի կոկոսի միջուկով
