Շոկոլադով աղանդերն այնքան համեղ, գեղեցիկ և ախորժելի է ստացվում, որ անպայման կդառնա ձեր ցանկացած տոնական ճաշացանկի տարրերից մեկը։
Վերցնում ենք շոկոլադ, գետնանուշ, եփած խտացրած կաթ և ստանում իսկական հաճույք գուրմանների համար։
Շոկոլադով աղանդեր. Անհրաժեշտ բաղադրիչները
_Ձու 2 հատ
_Շաքարավազ 130 գր
_Կաթ 150 մլ
_Բուսական յուղ 150 մլ
_Կակաո 2 ճաշի գդալ
_Փխրեցուցիչ 1 թեյի գդալ
_Ալյուր 180 գր
Կրեմի համար
_Սերուցք 500 գր
_Շաքարի փոշի 3 ճաշի գդալ
_Եփած խտացրած կաթ 3 ճաշի գդալ
Գանաշ պատրաստելու համար
_Շոկոլադ 300 գր
_Գետնանուշ 100 գր
_Սերուցք 150 գր
Շոկոլադով աղանդեր. Պատրաստման եղանակը
_Ձուն հարել շաքարավազի հետ մինչև թանձր ու կայուն զանգված լինի։
_Լցնել կաթը և բուսական յուղը, հարել։
_Խառնել ալյուրը, կակաոն և փխրեցուցիչը, մաղել և լցնել զանգվածի մեջ։
_Խմորը հունցել։
_Ջեռոցի տապակը ծածկել յուղաթղթով և լցնել խմորը, հարթեցնել։
_Թխել 180 աստիճանով, մոտ 20 րոպե։
_Թողնել սառչի և բաժանել կտորների:
_Սառը սերուցքը հարել մինչև փարթամանա, ավելացնել շաքարի փոշին և հարել։
_Ավելացնել խտացրած կաթը և հարել մինչև համասեռ դառնա։
_Շոկոլադը խառնել սերուցքի հետ և տաքացնել ձեզ հարմար ձևով, խառնել, մինչև հարթվի։
_Ավելացնել գետնանուշը։
Հուշում. ընկույզը մի փոքր տապակել և մանրացնել:
_Ավելի լավ է դեսերտը ձևավորել մատուցման բաժակների մեջ։
_Մինչև կեսը լցնել թխվածքաբլիթի կտորներ, որոնք կարելի է թրջել կաթով կամ սերուցքով։
_Վրան կրեմը դնել և ծածկել շոկոլադով և ընկույզով։
_Մի ժամով դնել սառնարանը։
Շոկոլադի մեջ կարող եք ավելացնել մանդարինի կամ նարնջի քերուկ, ցանկացած հավելում ձեր ցանկությամբ:
Բարի ախորժակ:
Տեսանյութ
Տիրամիսու բաժակներով. Բերանում հալչող նրբություն
