Շոկոլադով պաղպաղակ. Հաճելի պահեր պարգևող տնական աղանդեր

Շոկոլադով պաղպաղակ. Հաճելի պահեր պարգևող տնական աղանդեր

Պաղպաղակն այն աղանդերն է, որից ձանձրանալ գրեթե անհնար է: Երբ պաղպաղակ վայելելու ցանկություն առաջանում է ամռանը, դուք թողնում եք ամեն ինչ, բառացիորեն վազում եք խանութ, գնում եք  կոն՝ տարբեր համերի մի քանի գնդիկներով, և պաղպաղակն արդեն կարելի է վայելել: Բայց կա մի բան, երբ ամռանը զուտ զովություն փնտրելու ցանկությունից չենք մտածում, թե ինչ որակ ու բաղադրություն ունի այն:

Այդ մասին մտածելու կարիք չի լինի, եթե պաղպաղակն ինքներդ պատրաստեք: Այս ամառային աղադերը վայելեք տաք սենյակում, առանց խանութներից այն գնելու: Ձեզ պետք է ընդամենը 5 բաղադրիչ և մի փոքր համբերություն` գերազանց համը լիովին վայելելու համար:

Շոկոլադով պաղպաղակ. Անհրաժեշտ բաղադրիչները

• Ձու 4 հատ
• Շաքար 100 գ
• Սերուցք 500 մլ
• Կակաոյի փոշի 2 ճաշի գդալ
• Նուտելլա 300 գ

Շոկոլադով պաղպաղակ. Պատրաստման եղանակը

1. Խառնել ձվերը և շաքարավազը:
2. խառնուրդը դնել ջրային գոլոշու վրա: Հարել հարիչով, մինչև շաքարը լուծվի, և պինդ զանգված դառնա (6-ից 8 րոպե):
3. Մի կողմ դնել, որ սառչի մինչև սենյակային ջերմաստիճանի:
4. Հարել սառը սերուցքը՝ մինչև պնդանա:
5. Այնուհետև սերուցքին ավելացնել նուտելլան և կակաոն: Շարունակեք հարել մինչև հարթ զանգված ստացվի:
6. Այժմ խառնել ձվի և շոկոլադի խառնուրդը: Բաժանել կաղապարների մեջ և դնել սառցարանը:

Եթե ​​ձեզ դուր է գալիս սառը քաղցրավենքիը, բայց նախընտրում եք մրգային համը, կարող եք փոխարինել նուտելլան հատապտուղներով կամ ընդհանրապես ոչինչ մի ավելացրեք, թող ստացվի վանիլային պաղպաղակ:

Շոկոլադով պաղպաղակը պատրաստ է:

Բարի համտեսում:

Տեսանյութ

Պաղպաղակ Ելակով, շոկոլադով