Թագավորական շոռակարկանդակ կաթնաշոռով. Ջեռոցից տարածվող բույրը բոլորին կկանչի խոհանոց

Թագավորական շոռակարկանդակ կաթնաշոռով. Հատապտուղներով թխվածքները ցանկացած առիթով՝ հիթ են:

Ես փորձում եմ այս սառը աղանդերը պատրաստել հատկապես շոգ եղանակին՝ ամեն շաբաթ-կիրակի: Ավելին, ես երբեմն դրան ավելացնում եմ ֆիլադելֆիա կամ մասկարպոնե պանիրներ։ Բայց, հիմնականում կաթնաշոռով եմ պատրաստում։

Փաստորեն, այս թխվածքի համար ձեզ հարկավոր է 1 բուռ ցանկացած հատապտուղներ: Տվյալ դեպքում օգտագործել եմ հաղարջ:

Իհարկե, շոռակարկանդակի հիմքը կարելի է ավելի արագ պատրաստել՝ վերցնելով թխվածքաբլիթի փշրանքներ, բայց ես սիրում եմ ինքս խմորը պատրաստել:

Թագավորական շոռակարկանդակ կաթնաշոռով. Բաղադրիչներ

_Կաթնաշոռ 400 գ

_Շաքարավազ 170 գ

_Ցորենի ալյուր 300 գ

_Կարագ 150 գ

_Աղ 1 պտղունց

_Փխրեցուցիչ 0,5 թեյի գդալ

_Թթվասեր 200 գ

_Վանիլային շաքարավազ 17 գ

_Ձու 4 հատ

_Հաղարջ 100 գ

Թագավորական շոռակարկանդակ կաթնաշոռով. Պատրաստման եղանակը

_Նախ պատրաստում ենք խմորը։ Ալյուրը մաղում ենք փխրեցուցիչի հետ, խառնում ենք 70 գ շաքարավազի և 8 գ վանիլային շաքարի հետ։

_Վրան քերել սառեցված կարագը։ Բաղադրիչները տրորել փշրանքների նման։

_Փշրանքների մեծ մասը լցնել նախապես յուղաթղթով պատված ձևամանի մեջ և կողքերով ձևավորել։

_Խմորով ձևամանը 10 րոպեով դնել սառնարանում, այդ ընթացքում պատրաստել միջուկը։

_Ձուն հարում ենք 100 գ շաքարավազի, 10 գ վանիլային շաքարի և մի պտղունց աղի հետ 4 րոպե։

_Հետո այդ զանգվածին խառնել կաթնաշոռը և հարիչով հարել մինչև համասեռ զանգված ստացվի։

_Այս ամբողջին խառնել թթվասերը:

_Ստացված զանգվածը լցնել ձևամանի մեջ:

_Միջուկի վրա ցանել հատապտուղներ և փշրանքների մնացած մասը։

_Թխել նախապես 180 աստիճան տաքացրած ջեռոցում 40-ից 50 րոպե։

Թխելուց անմիջապես հետո միջուկի ներսը կարող է մի քիչ ջրիկ լինել, բայց դա խնդիր չէ։
Թույլ տվեք, որ շոռակարկանդակը լիովին կայունանա: Դեսերտը կարող եք մի քանի րոպեով դնել սառնարանում։

Բարի ախորժակ

Տեսանյութ

Տորթ առանց ջեռոցի Չիզքեյք