Շքեղ Տորթ Մասկարպոնե. Նուրբ պանրի համով թեթև քաղցրավենիք

Առաջարկում ենք պատրաստել շքեղ Տորթ Մասկարպոնե, որ գեղեցիկ տեսքով ու նուրբ համով բոլորին դուր կգա:

Սա յուրահատուկ մեղրով տորթ է՝ եփած խտացրած կաթով կրեմի ու մասկարպոնեի համադրությամբ:

Շքեղ Տորթ Մասկարպոնե. Անհրաժեշտ բաղադրիչները

_Ալյուր 400 գր

_Շաքարավազ 200 գր

_Մեղր 100 գր

_Կարագ 70 գր

_Ձու 2 հատ

_Սոդա 2 թեյի գդալ

_Մասկարպոնե 500 գր

_Եփած խտացրած կաթ 350 գր

_Թթվասեր 30% 300 գր

_Շաքարի փոշի 100 գր

Շքեղ Տորթ Մասկարպոնե. Պատրաստման եղանակը

_Խորը կաթսայի մեջ խառնել շաքարավազը, սոդան, մեղրը, կարագը, ձուն։

_Դնել թույլ կրակի վրա՝ անընդհատ խառնելով, աստիճանաբար լցնել մաղած ալյուրը, թողնել հանգստանա:

_Խմորը բաժանել 4 մասի, գրտնակել, մի քանի տեղից ծակծկել, թխել մինչև ոսկե դարչնագույնը 190 C-ում:

_Կտրել խմորի շերտերը ձևամանի չափով, հավաքել մնացորդները և տրորելով փշրել դրանք:

_Կրեմի համար մասկարպոնեն հարիչով հարել խտացրած կաթի հետ։

_Ավելացնել թթվասերը և շաքարի փոշին։

_Շերտերին կրեմ քսել, հավաքել տորթը, վրան ցանել մանրացված փշրանքները, դնել սառնարանը՝ 2-3 ժամով ներծծվելու համար։

Բարի ախորժակ

Տեսանյութ

Շքեղ տորթ Էսթերխազի