Պահքի թխվածքաբլիթներ թխելու համար պետք չէ ոչ ձու, ոչ կարագ: Որպես հիմք ենք վերցնում սառեցված հատապտուղները. դրանք թխվածքին կտան անսովոր վառ գույն, բնորոշ թթու համ և նուրբ բուրմունք: Բաղադրատոմսը բավականին պարզ է և խնայող, այն կօգնի ձեզ, երբ ծոմ պահելու ժամանակ սուրճի համար քաղցր բան եք ուզում:
Անմիջապես զգուշացնում ենք՝ բաղադրատոմսում շաքարավազի նվազագույն քանակ կա, այնպես որ թխվածքաբլիթներից սովորական քաղցրություն սպասել պետք չէ։ Եթե այն դեռ շատ թթու է ձեզ համար, ապա քաղցրացրեք ըստ ճաշակի:
Ցանկացած առանց կորիզների հատապտուղ կարող է օգտագործվել՝ ազնվամորի, հապալաս, մոշ, ելակ: Սև հաղարջը, մեր կարծիքով, ամենահարմարն է նման թխվածքաբլիթների համար։ Թխելուց հետո համը, գույնը, բույրն ամբողջությամբ պահպանվում են։
Սառեցված հատապտուղները նախապես հալեցնելու կարիք չունեն: Եթե օգտագործում եք
թարմ հատապտուղներ, բլենդերի մեջ մանրացնելու համար վերցրեք ոչ թե եռման, այլ չափավոր տաք ջուր:
Պահքի թխվածքաբլիթներ. Բաղադրիչներ
_Հատապտուղներ 100 գ
_Ջուր 100 մլ
_Շաքար 60 գ
_Արևածաղկի ձեթ 3 ճաշի գդալ
_Օսլա 2 ճաշի գդալ
_Ցորենի ալյուր 300 գ
_Սոդա 0,25 թ/գդ
Պահքի թխվածքաբլիթներ. Պատրաստման եղանակը
_Եռացնել ջուրը և լցնել սառած հատապտուղների վրա։ Թողնել 3 րոպե, ապա բլենդերով խյուս անել։
_Խյուսին ավելացնել շաքարավազը, կարագը, օսլան, սոդան և խառնել։ Սպասեք, մինչև զանգվածի մակերեսին պղպջակներ հայտնվեն, ապա ավելացրեք ալյուրը։
_Հունցել առաձգական, բայց ոչ շատ պինդ խմոր։ Փորձեք չհագեցնել ալյուրով:
_Ալյուր ցանած մակերեսի վրա խմորը գրտնակել 0,3–0,5 մմ հաստությամբ շերտով։
_Խմորը դանակով կամ ձևերով կտրատել, տեղափոխել յուղաթղթով ծածկված ջեռոցի տապակի մեջ և թխել 180 աստիճան ջերմաստիճանում 20–25 րոպե։
_Տապակը ջեռոցից հանելուց հետո ծածկում ենք բամբակյա ծալված սրբիչով և թողնել 20 րոպե հանգստանա։
Փորձեք երկար չպահել թխվածքաբլիթները ջեռոցում։ Հենց տեսնեք, որ վերևը մի փոքր կարմրել է, հանեք։ Հակառակ դեպքում վառ գույնը կվերանա, իսկ թխվածքաբլիթն ինքնին կդառնա չափազանց կոշտ։
Բարի ախորժակ:
Տեսանյութ
Արագ պեչենի
