Նուրբ ելակով պահքի կարկանդակը դուր կգա ինչպես նրանց, ովքեր սահմանափակում են իրենց սննդակարգը կրոնական նկատառումներով, այնպես էլ վեգաններին կամ բուսակերներին:
Այս բաղադրատոմսով ձու բացարձակապես չի պահանջվում, իսկ բուսական յուղը, որը պետք է լավ սառեցնել սառցախցիկում՝ հիանալի կերպով կատարում է կարագի դերը։
Պահքի կարկանդակ. Անհրաժեշտ բաղադրիչները
_Բուսական յուղ 160 մլ
_Ելակ 800 գր
_Շագանակագույն շաքարավազ 250 գր
_Ջուր 100 մլ
_Ալյուր 350 գր
_Աղ մի պտղունց
_Փխրեցուցիչ 1 թեյի գդալ
_Վանիլային շաքարավազ 2 ճաշի գդալ
_Աղացած դարչին 1 թեյի գդալ
_Շաքարի փոշի 30 գր
Պահքի կարկանդակ. Պատրաստման եղանակը
_Պատրաստել խմորը. 30 րոպե առաջ սառցախցիկ դնել բուսական յուղը (150 մլ), որպեսզի այն խտանա։
_Լվանալ ելակները, չորացնել և մաքել: Տեղափոխել փոքր կաթսայի մեջ և վրան լցնել շագանակագույն շաքարավազ։
_Դնել վառարանի վրա և 2 րոպե տաքացնել միջին կրակի վրա։
_Ավելացնել ջուրը (կախված հատապտուղների հյութեղությունից), կափարիչով փակել և եռացնել։
_եռալուց հետո հեռացնել կափարիչը և եփել 3 րոպե։ Հատապտուղները լցնել մաղի վրա, հավաքել օշարակը և թողնել, որ սառչի։
_Խմորի ալյուրը աղով և փխրեցուցիչով մաղել ամանի մեջ։
_Ավելացնել սառեցրած բուսական յուղը, երկու դանակով կտրատել, որ փշրվի։
_Լցնել սառած օշարակի մեջ, ավելացնել վանիլային շաքարավազը և դարչինը։ Խմորը արագ խառնել։
_22 սմ սիլիկոնե կաղապարը յուղել բուսայուղով։ Ներքևում դնել եփած խմորի կեսից մի փոքր պակաս, վրան լցնել ելակը։
_Ծածկել մնացած խմորը, ջեռոցը տաքացնել 180°C, ձևամանը դնել ջեռոցը։
_Թխել 35-40 րոպե, ստուգել փայտիկով, այն պետք է չոր դուրս գա:
_Ելակով կարկանդակը թողնել թավայի մեջ մի փոքր սառչի, այնուհետև տեղափոխել մետաղական ցանցի վրա։
_Թողնել ամբողջովին սառչի։ Կարկանդակը շրջել ափսեի մեջ և ցանել շաքարի փոշի։
Բարի ախորժակ:
