Պաղպաղակ տորթ. Ամենապարզ բաղադրիչներից պատրաստված համեղ աղանդեր:
Շոգ եղանակի պայմաններում այս քաղցրավենիքն իսկական փրկություն կլինի: Այն պատրաստվում է պարզ և հեշտությամբ, և այնքան չքնաղ համ ունի, որ դուք պարզապես մատները հետը կուտեք:
Պաղպաղակ տորթ. Մեզ պետք կլինի.
- Խտացրած կաթ 370 գ
- Սերուցք 33% յուղայնության 500 գ
- Թխուկներ 150 գ
- Կարագ 20 գ
- Շոկոլադ սպիտակ կամ սև 50-70 գ` ձևավորման համար:
Պաղպաղակ տորթ. Պատրաստման եղանակը
- Սկզբի համար վերցնել սերուցքը, որը պետք է լավ սառեցված լինի, հարիչի ոտիկները նույնպես պետք է մի փոքր պահել սառնարանում: Հարել սերուցքը:
- Հաջորդը, խտացրած կաթը լցնել կրեմի մեջ և շարունակել հարել: Խառնուրդը 1 ժամով դրեք սառնարանում:
- Այժմ հերթն է պատրաստել հիմքը. Դրա համար բլիթները մանրացնել բլենդերի մեջ, ապա դրանց մեջ հալած կարագը ավելացնել: Վերցնել բացվող օղակով խմորեղենի ձևամանը, յուղաթուղթը տարածել ամբողջ մակերեսի վրա:
- Ձևամանի ներքևի մասում լցնել ու հարթեցնել փշրանքների ու կարագի խառնուրդը: Դնել սառնարանում կես ժամով:
- Պաղպաղակը հանել սառնարանից և կրկին հարել:
- Այժմ ձևամանը լցնել պաղպաղակով և այն մի քանի ժամով դնել սառնարան, ծածկելով կպչուն թաղանթով:
- Դրանից հետո հանել կպչուն թաղանթը, բացել ձևամանի օղակը, զարդարել հալված սպիտակ շոկոլադով:
Պաղպաղակ տորթը պատրաստ է: Ստացվում է աներևակայելի համեղ և հյութալի, թվացյալ սովորական տորթ, բայց հետաքրքիր անակնկալով:
Բարի ախորժակ: