Պարզ տորթ. Թեյի համար հաճելի և նրբահամ քաղցրավենիք

Եկեք թխենք Պարզ տորթ, որը պատրաստվում է սովորական մթերքներով։ Այս բաղադրարատոմսը շատ համեղ է ստացվում և կարծում ենք ձեզ էլ դուր կգա:

Պարզ տորթ. Անհրաժեշտ բաղադրիչները

— Ձու 6 հատ

— Շաքարավազ 6 ճաշի գդալ

— Ալյուր 6 ճաշի գդալ

Կրեմի համար

— Քաղցր և յուղալի սերուցք 300 մլ

— Կոկոսի փաթիլներ 100 + 50 գր

— Կակաո 1 ճաշի գդալ

Եթե ​​ցանկանում եք, կարելի է ավելացնել կակաոյի քանակը։

Պարզ տորթ. Պատրաստման եղանակը

_Սպիտակուցները զգուշորեն առանձնացնել դեղնուցներից։

_Սպիտակուցները հարել մի պտղունց աղով, այնուհետև աստիճանաբար ավելացել շաքարավազը և հարել զանգվածը մինչև թանձրանալը:

_Ավելացնել 1 դեղնուց՝ չդադարեցնելով հարելը։

_Ալյուրը մաղել, մաս-մաս լցնել զանգվածի մեջ և բահիկի միջոցով ներքևից վերև զգուշորեն խառնել խմորը։

_Ջեռոցի տապակը ծածկել յուղաթղթով և լցնել խմորը, հարթեցնել։

_Ջեռոցը տաքացնել 180 աստիճանով և թխել 20-25 րոպե։

_Հարել սառեցված սերուցքը մինչև պնդանա, բաժանել 2 մասի։

_Մի մասին խառնել կակաոն, երկրորդին՝ կոկոսի փաթիլները։

_Սառած թխվածքաբլիթը կտրատել 2 մասի, ցանկության դեպքում թրջել ցանկացած օշարակով (քաղցր ջուր, կաթ, խտացրած կաթ և այլն) և տորթը կազմել՝ շերտերը կրեմով քսելով։

_Տորթի ներսում քսել կոկոսի փաթիլներով կրեմը, իսկ վրան և կողքերը՝ կակաոյով, կամ հակառակը։

Տորթին ցանել փաթիլներ կամ կակաո՝ ըստ ճաշակի:

Բարի ախորժակ:

Տեսանյութ

Կարակում