Պարզ տորթ. Անակնկալ հյուրերի քաղցր հյուրասիրություն

Առանց թխելու պարզ տորթը տոնական սեղանի ամենաարագ աղանդերի տարբերակն է։ Այնուամենայնիվ, տորթի այս տարբերակը սովորաբար պահանջում է երկարատև սառեցում. տորթերը պետք է լավ հագեցած լինեն կրեմով։

Պարզ տորթ. Անհրաժեշտ բաղադրիչները

_Պատրաստի բիսկվիթ 2 հատ

_Խտացրած կաթ 1 բանկա

_Անյուղ կաթնաշոռ 200 գր

_Շոկոլադի 1 սալիկ

_Շաքարավազի գնդիկներ զարդարման համար

Պատրաստման եղանակը

_Կաթնաշոռը և խտացրած կաթը հարթ մածուկի վերածելու համար օգտագործել ձեռքի բլենդեր:

_1 շերտ թխվածք դնել ափսեի վրա, քսել կրեմի մեկ երրորդը և վրան մի քիչ շոկոլադ քերել։

_Ծածկել թխվածքի երկրորդ շերտով, վրան և կողքերը քսել կրեմով։

_Զարդարել քերած շոկոլադով և շաքարավազե գնդիկներով։

_Առնվազն 3 ժամ դնել սառնարանում և տորթը պատրաստ կլինի:

Բարի ախորժակ:

Տեսանյութ

Տորթ առանց ջեռոցի