Այսօր վերջապես պատրաստելու ենք պեռաշկի․ կարտոֆիլով կարկանդակներ․ համեղ խմորի բաղադրատոմս եմ ներկայացնելու՝ հաստատ կհավանեք։ Խոհանոցից բուրող հետաքրքիր ուտեստների հոտը միշտ ստեղծում է առատության և ապահովության զգացողություն տնեցիների համար։
Այնպես-որ մի ծուլացեք, տրամադրվեք և իմ հետ սկսեք պատրաստել փամփլիկ կարկանդակներ։ Մինչ կմտնեք խոհանոց, նախ բաժանորդագրվեք մեր այս համեղ ալիքին, լայք դրեք անպայման, ձեր ողջույն էլ գրեք մեկնաբանությունների բաժնում ու մենք կսկսենք։
Կարտոֆիլով Կարկանդակներ Բաղադրատոմս
Պեռաշկի խմոր
_Ձու — 1 հատ
_Կաթ — 1 բժ -200 գր․
_Ջուր — 1 բժ․
_Շաքարավազ — 3 թ․ գդ․
_Չոր խմորիչ — 11 գ․ — 2 թ․ գդ․
_Ձեթ — 50 գրամ խմորի մեջ, կես շիշ ընդհանուր տապակելու համար
_Աղ — 1 թ․ գդ․
_Ալյուր — 500-600 գր․
Պեռաշկի միջուկ
_Կարտոֆիլ — 3-4 հատ
_Սոխառած 1 գլուխ սոխով
_Մեկ փունջ համեմ
_Մեկ գդալ ծիթրոն
_Աղ և պղպեղ
Պեռաշկի Կարտոֆիլով կարկանդակներ Քայլ առ քայլ
_Սկզբում խմորիչի հարցերը լուծենք ու անցնենք առաջ
_2 թեյի գդալ խմորիչ լցնենք, ես չոր խմորիչ եմ վերցրել
_Պետք է այն ակտիվացնել
_2 թեյի գդալ շաքարավազ ենք ավելացնում վրան
_Մեկ բաժակ կաթ ենք օգտագործելու, պարտադիր է գոլ վիճակում
_Լցնենք ու խառնենք, եթե անմիջապես խմորիչը չլուծվի գնդիկներից մի վախեցեք, դրանք լրիվ լուծվելու են
_Փակենք կերակրի թաղանթով դնենք կողքի թող ակտիվանա մոտ 15-20 րոպե
_Մեկ այլ խոշոր տարայի մեջ լցնենք 4 թ․ գդ․ ալյուր
_1 թեյի գդալ աղ
_1 թեյի գդալ շաքարավազ լցնենք
_1 բաժակ եռման ջուր պետք է լցնենք այս փոշի զանգվածի վրա և խառնենք
_Ջրի փոխարեն լավ տարբերակ է նաև մածուն ավելացնելը մեկ բաժակ՝ գյուղական կարկանդակ ստանալու համար
_Բայց այսօր դե դասական բաղադրատոմսն եմ ներկայացնում
_Շատ խառնելու կարիք էլ չկա, սա էլ պետք է դնենք առայժմս կողքի որպեսզի մի փոքր սառի
_15-20 րոպե անց հավաքենք բոլոր բաղադրչները իրար գլխի և խմորն արդեն հունցենք
_Զանգվածն արդեն սառել է
_Վրան ավելացնենք 50 գրամ ձեթ
_Մեկ ձու կկոտրենք
_Կավելացնենք մեր խմորիչի կաթով խառնուրդը
_Խառնենք մի փոքր և սկսենք ալյուր ավելացնել
_Մաղելով կլցնենք ընթացքում խառնելով
_Այս խմորից հրաշալի պիշիներ էր տատիկս թխում, փոքր ժամանակ պեռաշկիներից շատ այդ պիշիներին էինք անհամբեր սպասում
_Մի պահ արդեն երբ դժվարանում ենք խառնիչով խառնելուց անցնենք ձեռքերով խառնելուն
_Օգտագործելու ենք 500-600 գրամին մոտ ալյուր այս ծավալի համար հենց ձեռքերով հնարավոր լինի հունցել այլևս ալյուր չենք ավելացնում, նույնիսկ եթե այսպես մի փոքր կպնում է ձեռքերին խմորը դա նորմալ է
_Հաջորդ գործողությունները իրականցնում ենք միայն ձեթի օգնությամբ
_Մի բուռ ձեթ ենք վերցնում ու շատ էլ չենք հունցում
_Տարայի տակն ու կողքերն էլ ձեթոտում ենք, գունդը դնում տարայի մեջ ու փակում ենք կափարիչը
_Այսպես պետք է մնա 2-3 ժամ հասունանա խմորը
_Առավել արագ հասունանալու համար տաք ծածկոցով կարող եք ծածկել և պահել տաք պայմաններում
_Այդ ընթացքում մենք կհասցնենք միջուկը պատրաստել
_Կարտոֆիլ կեղևահանենք 3-4 միջին չափսի
_Հարկավոր է այն խաշել
_Ստուգենք լավ փափուկ է խաշվեց վերջ
_Մինչ մի փոքր կսառի կհասցնենք մեկ գլուխ սոխը մանր կտրատել
_Ձեթով տապակելու ենք, սոխառած ենք անելու
_Իսկ այդ ընթացքում էլ կանաչին կկտրատենք
_Մեկ փունջ համեմ եմ սովորաբար լցնում
_Կարտոֆիլով կարկանդակների միջուկի համեմունքներն ու կանաչիները արդեն դուք ձեր ճաշակով կարող եք ավելացնել, ինձ թվում է թարմ համեմը շատ է սազում այս միջուկին
_Կարտոֆիլները արդեն սառել են
_Ճզմենք այն այնքան լավ, որ գնդիկներ բացարձակ չմնան
_Ընդ որում կարտոֆիլով միջուկը պարտադիր չէ, կարելի է կաղամբով, կարմիր լոբով կամ ոսպով միջուկներ լցնել, կրկին համեղ կստացվի
_Սոխառածն էլ ավելացնենք կարտոֆիլի վրա
_Ավելացնենք նաև մեր կտրատված թարմ համեմը
_1 թեյի գդալ աղ լցնենք միջուկին
_Նաև 1 թեյի գդալ չոր ծիթրոն եմ ավելացնում սովորաբար, յուրահատուկ համ է տալիս կարտոֆիլով կարկանդակներ ին
_Միջուկը մեր պատրաստ է, դնենք կողքի
_Կաթսայի մեջ առատ ձեթ լցնենք և դնենք կրակին թող լավ տաքանա, որ տաք ձեթի մեջ տապակենք կարկանդակները
_Ժամանակն է, որ սկսենք կարկանդակները ձևավորելը
_Ես 2 ժամ սպասեցի, որքան երկար սպասենք այնքան կհասունանա խմորը
_Բայց այսքանը լրիվ բավարար է կարծում եմ
_Հարթակը առատ ձեթոտենք
_Խմորը շուռ տանք ամբողջությամբ հարթակին
_Տարածենք այսպես, այլևս հունցելու կարիք չկա
_Ինքն արդեն առատ ձեթոտ է բացարձակ մատներին չի կպնում
_Տարածենք այսպես և կտրատենք սկզբում լայնակի, հետո ավելի մանրացնենք
_Մեկ կարկանդակի չափով կտրատենք փոքրիկ գնդերի վերածենք
_Այս զանգվածից ստացվում է 17-18 հատ կարկանդակ
_Այժմ յուրաքանչյուր գնդիկը հենց մատներով էլ կբացենք
_Մեր միջուկից մեկ կամ երկու գդալ կդնենք խմորի երկայնքով
_Ես սիրում եմ երբ միջուկը առատ է լինում
_Հետո կողքերից այսպես վրա ենք բերում մատներով ամրացնում, լավ սեղմում ենք մատներով, որպեսզի եփվելու ընթացքում չճաքի
_Ձեթի տաքանալու աստիճանը կարելի է որոշել մեկ փոքրիկ կտոր խմոր մեջը քցելով, եթե միանգամից վերև է բարձրանում փքվելով, ուրմեն բավարար տաք է
_Մեր դեպքում մի երկու րոպե էլ կսպասենք և արդեն կաթսայի մեջ կտեղավորենք մեր կարկանդակները
_Կարելի է շարունակ շուռումուռ տալ, որպեսզի բոլոր կողմերով հավասարաչափ կարմրի
_Կրակը պետք է թույլ լինի, որպեսզի հասցնի ներսում թխվել, հակառակ դեպքում արագ վրայի շերտը կկարմրի, իսկ ներսում հում կմնա
_Հանելուց հարկավոր է խոհանոցային անձեռոցիկի վրա դնել, որպեսզի ավելորդ ձեթը հեռանա
_Ամբողջը անելուց հետո կմատուցենք, եթե մինչ այդ կհամբերեն տան անդամները այս գայթակղիչ բույրին իհարկե
_Մատուցելուց կարելի է աղ և սև պղպեղ հրամցնել, լրացուցիչ համ փոխանցելու համար, բայց մեր բաղադրատոմսով պատրաստելու դեպքում դրա կարիքն էլ չեք ունենա
_Սպասում եմ ձեր կարծիքին մեկնաբանությունների հատվածում, փորձելուց հետո անպայման կգրեք
Դե ինչ, բարի ախորժակ։
