Այսօր Պիցցա ենք պատրաստելու առանց խմոր թխելու, համեղ և արագ հրաշք Պիցցա ենք պատրաստելու, այն էլ գազօջախի վրա թավայում։
Содержание
Պիցցա Բաղադրիչները
- Հաց — մի քանի շերտ — Բատոն կամ ֆրանսիական Բագետ
- Ձու — 4 հատ
- Հալվող պանիր — 150 գրամ
- Երշիկ — մի քանի շերտ
- Լոլիկ — 1 հատ
Պիցցա Պատրաստելու քայլերը
- Մեզ անհրաժեշտ կլինի հաց բատտոն, կամ Ֆրանսիական Բագետ, կամ պարզապես կլորավուն հաց, կտրատենք այն
- Պիցցայի պատրաստումը երևի դուք էլ հետաձգում եք ամեն անգամ խմոր պատրաստելուց խուսափելով, իսկ այս բաղադրատոմսով հրաշալի պիցցա կստանաք 2-3 րոպեում
- 4 ձու կկոտրենք, քիչ աղ կանենք, դեռ պանիրն էլ աղի է
- Հացերը թաթախենք ձվի մեջ և կդնենք կողքի
- Հալվող պանիր քերենք
- Մեկ լոլիկ կտրատենք և սկսենք հավաքել պիցցան
- Թավայի տակ ձիթայուղ լցնենք և շարենք հացերը արդեն տաք թավայի վրա
- Ձվի մնացած զանգվածն էլ տարածելով լցնենք թավայի մեջ, որտեղ դատարկ մասեր կան
- Մի քանի րոպե հետո արդեն ձուն կեղև կկապի
- Զգուշությամբ կշրջենք, ոպեսզի ամբողջական ստացվի
- Անմիջապես պանիր կլցնենք վրան, քերած պանրի միայն մի մասը
- Կշարենք լոլիկը կտրատված
- Երշիկներ էլ կշարենք, դե պիցցա է չէ՞
- Մնացած պանիրն արդեն ամբողջությամբ տարածենք և թավայի բերանը փակենք, որպեսզի պանիրը ամբողջությամբ հալվի
- Այդ ընթացքում հարկավոր է կրակը շատ կամաց մարմանդ անել
- Եվս մի քանի րոպե, պանիրն հալվեց ուրեմն արդեն Պիցցան պատրաստ է
- Հրաշալի տարբերակ է նաև նախաճաշի համար, ընթրիքին էլ հարմար կլինի, իսկ ճաշին երևի թե այսքանը չի բավականացնի, քանի որ շատ համեղ է, արագ պատրաստվում է, արագ էլ վերջանում է
Պիցցա Առանց խմոր թխելու․ Համեղ և Արագ Հրաշք Պիցցա Տեսանյութ
Դե ինչ, Բարի ախորժակ։
