Տնական Ռահատ լոխում պատրաստում են այնպես, ինչպես սովորական դոնդողը, բայց այն ունենում է ավելի խիտ հյուսվածք և ավելի հարուստ համ:
Հարմարությունն այն է, որ ըստ ճաշակի կարող եք ավելացնել տարբեր սերմեր և ընկույզներ: Իսկ եթե ձեր ընտրությունը ընկնի պիստակի վրա, դուք կստանաք Ուինսթոն Չերչիլի սիրելի հյուրասիրությունը։
Ռահատ լոխում. Բաղադրիչներ
_Մանդարին 7 հատ
_Ջուր 800 մլ
_Շաքարավազ 600 գ
_Շաքարի փոշի 100 գ
_Կիտրոնաթթու 0.25 թեյի գդալ
_Վանիլին 2 գ
_Օսլա 130 գ
Ռահատ լոխում. Պատրաստման եղանակը
_Սկզբում պատրաստենք շաքարով օշարակը. Դրա համար ցածր կրակի վրա հալեցնել շաքարավազը ջրի մեջ (600 մլ) և ավելացնել կիտրոնաթթու:
_Եփել միջին ջերմության վրա մոտ 10 րոպե, մինչև թանձրանա, բայց օշարակը պետք է թափանցիկ մնա:
_Այդ ընթացքում պատրաստեք մանդարինի հյութը։ Մաքրած մանդարինները բլենդերով մանրացրեք և մաղով անցկացրեք ստացված խյուսը։ Դուք կարող եք օգտագործել հյութեղացուցիչ:
_Ստացված մանդարինի հյութը խառնեք 200 մլ ջրի և օսլայի հետ։ Խառնուրդը դնել կրակի վրա և երբ եռա, լցնել շաքարի օշարակը և ավելացնել վանիլինը։
_20-30 րոպե եփել լոխումը՝ մինչև ժելեի նման լինի:
_Այժմ զանգվածը լցնել հարմար կաղապարի մեջ և թողնել սառնարանում մեկ ժամ։
_Երբ լոխումը պնդանա, հանել կաղապարից, ձողիկներով կամ խորանարդիկներով կտրատել ու շաքարի փոշու մեջ թաթախել։
Այս հրուշակեղենի պատրաստման մեջ ամենակարևորը թաթախումն է։ Այն պետք է ոչ այնքան գեղեցկության համար, որքան որպեսզի քաղցրավենիքը ձեռքերին ու սպասքին չկպչի։ Այդ նպատակով սովորաբար ընտրվում է շաքարի փոշի, սակայն հարմար են նաև կոկոսի փաթիլները։
Բարի ախորժակ:
Տեսանյութ
Ժելե ցիտրուսներով և կոմպոտով
