Ռաֆաելլո կրեմ. Ամենահամեղ, նուրբ կրեմը, որը ձեզ կխենթացնի
Ո՞վ չի հիշում Ռաֆաելլո կոնֆետի չքնաղ համը: Սա շատ երեխաների և իհարկե նաև մեծահասակների սիրված աղանդերն է: Իսկ հիմա պատկերացրեք, որ Ռաֆաելլո կոնֆետի հենց այդ կրեմը կարող եք ինքներդ պատրաստել տանը:
Ավելին, սեփական ձեռքերով պատրաստված կրեմը չի պարունակելու որևէ կոնսերվանտ և կամ ոչ այնքան օգտակար նյութեր, որոնք արտադրողներն ավելացնում են այդ քաղցրավենիքներին: Հիմնական խնդիրը որակյալ մթերքներ ընտրելն է:
Ռաֆաելլո կրեմ. Անհրաժեշտ բաղադրիչները
- Կոկոսի փաթիլներ 70 գ
- Խտացրած կաթ 400 գ
- Սպիտակ շոկոլադ 200 գ
- Կարագ 200 գ
Ռաֆաելլո կրեմ. Պատրաստման եղանակը
- Ջրային բաղնիքում կամ ցածր ջերմության վրա հալեցնել կարագը և սպիտակ շոկոլադը՝ հիշելով, որ դրանք պետք է անընդհատ խառնել:
- Դրանից հետո ավելացնել խտացրած կաթը և ավելացնել կոկոսի փաթիլները: Լավ խառնել խառնուրդը:
- Կրեմը հանել կրակից, թող սառչի և դնել սառնարանում 3-4 ժամ:
Այնուհետև այս կրեմով կարելի է պատրաստել տորթեր, խմորեղեն կամ քաղցրավենիք:
Այս կրեմը լավ է համակցվում նույնիսկ սովորական սպիտակ հացի հետ: Ուստի այն կարելի է մատուցել նախաճաշին՝ թեյի կամ սուրճի հետ:
Ռաֆաելլո կրեմը պատրաստ է:
Բարի ախորժակ
Տեսանյութ
Տորթ Ռաֆաելլո