Ռուլետ խտացրած կաթով. Նուրբ, շատ հեշտ պատրաստվող աղանդեր, որը հալչում է բերանում:
Կեչու կեղևի տեսքով ձևավորված այս թխվածքն իսկական հեքիաթ է ձեր սեղանին: Աղանդերը պատրաստվում է շատ հեշտ և յուրաքանչյուրը կարող է այն թխել։
Ռուլետ խտացրած կաթով. Անհրաժեշտ բաղադրիչները
Խմորի համար
_Ձու 4 հատ
_Աղ 1 պտղունց
_Շաքարավազ 200 գր
_Վանիլային շաքար 10 գր
_Ալյուր 150 գր
_Փխրեցուցիչ 1 թեյի գդալ
_Խտացրած կաթ՝ ըստ ճաշակի
Ջնարակ
_Սպիտակ շոկոլադ 90 գր
_Կաթ 2 ճաշի գդալ
_Շաքարի փոշի 75 գր
Ռուլետ խտացրած կաթով. Պատրաստման եղանակը
_Ձվերը կոտրել խորը ամանի մեջ, աղ անել և լավ հարել հարիչով։
_Այժմ ավելացնել շաքարավազը և վանիլային շաքարը:
_Հարել ցածր արագությամբ, աստիճանաբար ավելացնելով դրանք, սպասել, մինչև փրփուր առաջանա։
_Ալյուրի մեջ ավելացնել փխրեցուցիչը, խառնել և մաղել զանգվածի մեջ, հարել մոտ մի երկու րոպե։
_Վերցնել ջեռոցի տապակը, վրան յուղաթուղթ փռել, խմորը լցնել, հարթեցնել։
_Թխել նախապես 200 աստիճան տաքացրած ջեռոցում 10-15 րոպե։
_Պատրաստի բիսկվիթը շրջել սրբիչի վրա և հանել թուղթը։
_Դեռ տաք ժամանակ քսել խտացրած կաթ, բայց միջուկը կարող է լինել բացարձակապես ցանկացած՝ ձեր ճաշակով:
_Ռուլետը փաթաթել, 5 րոպեով դնել սառնարանը։
_Պատրաստել ջնարակը, դրա համար հալեցնել սպիտակ շոկոլադը, ավելացնել կաթը, շաքարի փոշին, ամեն ինչ մանրակրկիտ խառնել։
_Ռուլետը դնել մետաղյա ցանցի վրա և հավասար շերտով ծածկել գլազուրով, վրան կաթեցնել մուգ շոկոլադ, ծառի կեղևի տեսք տալու համար։
Ռուլետը պատրաստ է։ Ստացվում է փափուկ և նուրբ, իսկական դրախտային հաճույք։
Բարի ախորժակ:
Տեսանյութ
Ռուլետ 3 բաղադրիչից
