Սառեցված ազնվամորի. Անուշահամ հատապտղի պահպանման եղանակը: Սառեցված ազնվամորին, ձմռանը անուշահամ ու նուրբ հատապտուղ վայելելու բազմաթիվ եղանակներից մեկն է:
Կարծում եմ, ինքներդ էլ կհամոզվեք, որ սա ամենադյուրին և լավագույն միջոցն է: Այս եղանակը լավագույն միջոցն է, քանի որ ազնվամորին չի քարանում:
Սառեցված ազնվամորի. Անհրաժեշտ բաղադրիչներ.
- Ազնվամորի 3 կգ
- Շաքարավազ 1 կգ
Սառեցված ազնվամորի. Քայլ առ քայլ բաղադրատոմս
- Սկզբի համար պետք է ուշադիր ընտրել հատապտուղները, որ դրանք չափազանց հասած, կամ վնասված չլինեն, այսպես ասած` հատիկ — հատիկ, այնուհետև դրանք լցնել պլաստիկ տոպրակների մեջ:
- Յուրաքանչյուր տոպրակի մեջ ավելացնել շաքար ազնվամորու քաշի մեկ երրորդի չափով, այնուհետև զգուշորեն փաթեթները թափահարելուց հետո պետք է դրանք փակել և դասավորել տապակի վրա, որպեսզի փաթեթնեն իրար չխանգարեն ու իրար վրա չճնշեն իրենց ծանրությամբ:
- Տապակը, որի շարված են ազնվամորիով փաթեթեները պետք է դնել սառցախցիկի մեջ առնվազն 3 ժամ, որից հետո տոպրակները կարելի է արդեն տեղափոխել պահեստավորման համար հարմար բեռնարկղերի մեջ:
- Սառեցված ազնվամորին պատրաստ է: Այս մեթոդի շնորհիվ պահպանված հատապտուղը միշտ կարելի ունենալ ձեռքի տակ և ողջ տարվա ընթացքում տարատեսակ աղանդերների և խմորեղենների համար օգտագործել թարմ ու անուշաբույր ազնվամորի: Այս եղանակով սառեցված հատիկները չեն կորցնում իրենց ամբողջականությունն ու գեղեցիկ տեսքը: Այնպես որ, խորհուրդ ենք տալիս այս կերպ պահել նուրբ հատապտուղները, սա ամենապարզ ու մատչելի տարբերակն է դրանք պահելու համար:
Սառեցված ազնվամորին պատրաստ է:
Բարի ախորժակ:
