Սառը նախուտեստ. Գեղեցիկ և զովացնող աղցան

Սառը նախուտեստ. Հատուկ մարինադով, հյութալի և համեղ լոլիկը կորեական խոհանոցից գեղեցիկ համադրություն կտա ձեր հյուրասեր սեղանին և համահունչ կլինի մսեղենի հետ:

Սառը նախուտեստ. Անհրաժեշտ բաղադրիչները

_Լոլիկ 2 կգ

_Բուլղարական պղպեղ 2 հատ

_Կծու պղպեղ 2 հատ

_Սխտոր 2 պճեղ

_Կանաչիներ՝ ըստ ճաշակի

_Քացախ 9% 100 մլ

_Զտված բուսական յուղ 100 մլ

_Աղ 50 գ

_Շաքար 100 գ

Սառը նախուտեստ. Պատրաստման եղանակը

_Մաքրել պղպեղը սերմերից և ցողուններից, մսաղաց կամ բլենդեր օգտագործելով մանրացնել քաղցր պղպեղը, կծու պղպեղը և սխտորը:

Հուշում. Եթե մանրացնում եք մսաղացով, ապա օգտագործեք փոքր անցքերով ցանց:

_Վերցնել ավելի շատ և տարբեր կանաչիներ: Մթերքը մանր կտրատել և խառնել բուսական յուղի հետ, ավելացնել աղ, շաքար, բուսական յուղ և քացախ:

_Ընտրել պինդ լոլիկներ: Նախ պետք է լավ լվանալ, պոչերը հեռացնել և կտրել 2 մասի:

_Մարինացվելու համար վերցնել երեք լիտրանոց բանկա:

_Ներքևի մասում մի փոքր սոուս լցնել և դնել լոլիկի շերտ, նորից լցնել սոուս և լոլիկի շերտ:

_Այս եղանակով հերթականությամբ  լցնել ամբողջ բանկան:

_Ծածկել կափարիչով, թափահարել և շրջել բանկան կափարիչի վրա, դնել այն ափսեի վրա և դնել սառնարանը 12 ժամ:

Հուշում. Այս կերպ պատրաստված լոլիկը պահվում է սառնարանում միայն մեկ շաբաթ:

Բարի ախորժակ:

Տեսանյութ

Կարմիր պղպեղ