Այսօր առաջարկում ենք պատրաստել Սիննաբոն բուլկիներ դարչինով, որոնք անչափ համեղ ու փխրուն են: Դրանք ուղղակի կհալվեն ձեր բերանում:
Քաղցր գլանափաթեթները պատրաստվում են դրոժով խմորից: Որպես լցոն, կարող եք օգտագործել կաթնաշոռ, հատապտուղներ և ընկույզներ:
Այս ամենը լրացնում է սերուցքային պանրով գլազուրը: Ֆիլադելֆիա պանիրն իդեալական է, բայց կարող եք վերցնել նաև ավելի թանկ կաթնաշոռային պանիր:
Սիննաբոն բուլկիներ դարչինով. Անհրաժեշտ բաղադրիչներ
_Կաթ 250 մլ
_Ձու 2 հատ
_Կարագ 220 գ
_Ցորենի ալյուր 520-600 գ
_Շաքար 100 գ
_Խմորիչ 7 գ
_Շագանակագույն շաքար 200 գ
_Դարչին 3 ճաշի գդալ
_Կաթնաշոռ 110 գ
_Շաքարի փոշի 180 գ
_Վանիլային էքստրակտ 0.5 թեյի գդալ
_Աղ, 0.5 թեյի գդալ
Սիննաբոն բուլկիներ դարչինով. Պատրաստման եղանակը
_Լցնել խմորիչը մի փոքր տաքացրած կաթի մեջ, բայց խառնել պետք չէ: Ավելացնել 75 գ փափկացրած կարագ, շաքար, ձու, 0.5 թեյի գդալ աղ և կաթ, լավ խառնել:
_Լցնել մաղած ալյուրը և հունցել խմորը 10 րոպե: Այնուհետև վրան ցանել արևածաղկի ձեթ, ծածկել կպչուն թաղանթով և 30 րոպե դնել տաք տեղում: Խմորիչով խմորը գրտնակել 45 x 55 սմ ուղղանկյունի մեջ: Շերտի վրա քսեք 75 գ կարագ:
_Խառնել շագանակագույն շաքարը դարչինով, հավասարապես շաղ տալ խմորի վրա այդ խառնուրդը:
_Խմորը ոլորել 45 սմ երկարությամբ: Կտրել սուր դանակով 12 մասի: Քառակուսի ձևամանի վրա կարագ քսել, կտրատած գլանիկները շարել մեջը և ծածկել սննդային թաղանթով: Թողնել 45 րոպե, որպեսզի դրանք լավ ուռչեն:
_Դարչինով բուլկիները թխել մինչև 200 աստիճանի տաքացված ջեռոցում` 15 րոպե:
_Այդ ընթացքում մինչև փրփրուն զանգվածի աստիճան հարել պանիրը, շաքարի փոշին, վանիլային էքստրակտը, մի պտղունց աղ և 55 գ կարագ:
Հանել թխված բուլկիները ջեռոցից, իսկ 15 րոպե անց ծածկել գլազուրով:
Սիննաբոն բուլկիները դարչինով պատրաստ են:
Բարի ախորժակ: