Սմբուկով աղցան մայոնեզով. Զարմանալիորեն համեղ և հեշտ պատրաստվող աղցան

Սմբուկով աղցան մայոնեզով. Արագ ու պարզ է պատրաստվում և կարելի է բաղադրատոմսը  պահպանել, որ ցանկության դեպքում սիրելիներին և հյուրերին հաճույք պատճառեք:

Այն բացարձակապես բոլորին դուր կգա, դրա համը կգրավի ձեզ և համտեսողներին:

Հաճույքով պատրաստեք և գոհունակությամբ վայելեք:

Սմբուկով աղցան մայոնեզով. Անհրաժեշտ բաղադրիչներ

_Սմբուկ 3 հատ

_Ձու 3 հատ

_Սոխ 1 հատ

_Մայոնեզ 2-3 ճաշի գդալ

_Աղ 0.5 թեյի գդալ

_Բուսական յուղ տապակման համար

Մարինադ սոխի համար

_Ջուր 100 մլ

_Շաքարավազ 1 ճաշի գդալ

_Աղ 0.5 թեյի գդալ

_Քացախ 9% 2 ճաշի գդալ

Սմբուկով աղցան մայոնեզով. Պատրաստման եղանակը

_Նախ, մաքրել սմբուկները, կտրել դրանք խորանարդիկներով: Լցնել խորը ամանի մեջ, աղ անել, խառնել, տեղափոխել քամիչի մեջ, թողնել մոտ 20 րոպե, որպեսզի ավելորդ հեղուկը քամվի:

_Կտրել սոխը կես օղակներով, լցնել առանձին ամանի մեջ, ավելացնել աղ, շաքար, լցնել քացախ, ավելացնել եռացող ջուր և թողնել 15 րոպե, թողնել մարինացվի:

_Սմբուկները լցնել տաքացրած բուսական յուղով տապակի մեջ, տապակել 5-7 րոպե, մինչև հաճելի ոսկե երանգ ստացվի:

_Դրանից հետո հանել, լցնել թղթե սրբիչի վրա և թույլ տվեք, որ ամբողջովին սառչեն:

_Ձվերը փոքր կտորներով կտրել և սկսել աղցանը հավաքել: Դրա համար սմբուկները, ձվերը, թթվեցրած սոխը լցնել աղցանի ամանի մեջ, ամեն ինչի վրա ավելացնել մայոնեզ:

_Մանրակրկիտ խառնել ամեն ինչ և լցնել մատուցման ափսեի մեջ:

Սմբուկով աղցան մայոնեզով պատրաստ է:

Բարի ախորժակ:

Տեսանյութ

Հավի Մսով և Սմբուկով Շքեղ, Աննկարագրելի Համեղ Աղցան