Այսօր շատ արագ կպատրաստենք սմբուկ՝ յուրահատուկ համեղ և արագ տարբերակով՝ Սմբուկով ուտեստ 2 րոպեում։ Համոզված եմ շատերդ կսիրեք այս պարզ բաղադրատոմսը։
Սմբուկով ուտեստ Բաղադրիչներ
- Սմբուկ — 4 հատ
- Պաքսիմատ — 200 գրամ
- Ձու -2-3 հատ
- Աղ և պղպեղ, նաև համեմունենքներ կարող եք ավելացնել պաքսիմատի մեջ
Սմբուկով ուտեստ Պատրաստման եղանակը
- Մի քանի միջին չափի փքուն սմբուկներ պետք է վերցնել
- Սմբուկները երկայնակի պետք է կիսել մեջտեղից
- Ամեն կեսը հարկավոր է դանակով երկայնակի շերտերի վերածել, բայց այնպես, որ մինչև վերջ չկտրվի սմբուկը
- Պետք է ստացվի ահա այսպիսի սմբուկե հովհարներ
- Եթե շատ հաստ է սմբուկը, ուրեմն առավել մանր շերտերի բաժանեք
- Այժմ բոլոր սմբուկների վրա աղ ցանենք բավարար չափով
- Մի քանի ձուն մի փոքր աղով հարենք և յուրաքանչյուր սմբուկե հովհարը թաթախենք ձվի մեջ, այնպես փռելով որ բոլոր ձողերն ու շերտերը ձվի մեջ լինեն
- Այնուհետև այն պետք է թաթախենք պաքսիմատի մեջ, կարելի է պաքսիմատը համեմել ըստ ցանկության
- Լավ տաք ձեթի մեջ տապակենք սմբուկները երկու կողմից, յուրաքանչյուր կողմից մոտ 2 րոպե, անգամ տապակի կափարիչը փակ վիճակում կարող ենք տապակել
- Հրաշալի է մի քանի րոպեում նման խրթխրթան, համեղ, բացարձակ մի նոր համով սմբուկով ուտեստ ստանալը
Դե ինչ, բարի ախորժակ։