Սովորական պիրոգ. Իր պարզությամբ անհավանական նուրբ քաղցրավենիք

Պատրաստենք եթերային և քնքուշ, փափուկ, խոնավ Սովորական պիրոգ: Ցանկացած մուրաբայի համով կամ թարմ հատապտուղներով, մրգի կտորներով, այն ձեզ անպայման դուր կգա։

Սովորական պիրոգ. Անհրաժեշտ բաղադրիչները

_Ձու 4 հատ

_Շաքարավազ 1,5 բաժակ

_Բուսական յուղ 150 մլ

_Մածուն 1,5 բաժակ

_Ալյուր 4 բաժակ

_Փխրեցուցիչ 2 թեյի գդալ

_Վանիլին ըստ ճաշակի

_Ջեմ, շոկոլադե մածուկ, հատապտուղներ և այլն՝ ըստ ճաշակի

Շտրեյզել պատրաստելու համար

_Կարագ 15 գր

_Ալյուր 25 գր

_Շաքարավազ 25 գր

Սովորական պիրոգ. Պատրաստման եղանակը

_Բոլոր բաղադրիչները չափվում են 200 գ ծավալով բաժակով:

_Ձուն խառնել շաքարավազի հետ և հարել խառնիչով, մինչև հարթ լինի։

_Ավելացնել բուսական յուղը, խառնել, որից հետո ավելացնել մածունը, խառնել։

_Ալյուրը մաղել, խառնել փխրեցուցիչի հետ, մաս-մաս ավելացնել զանգվածի վրա և լավ հարել խմորը մինչև հարթ լինի, չմոռանալ ավելացնել վանիլինը։

_Ձևամանը ծածկել յուղաթղթով և խմորի մի մասը լցնել, հարթեցնել։

_Վրան լցնել ցանկացած ջեմ կամ այլ քաղցր հավելում և ծածկել մնացած խմորով։

_Շտրեյզելի համար խառնել բոլոր բաղադրիչները, ձեռքերով մանրացնելով՝ վերածել փշրանքների։

_Կարկանդակի վրա ցանել ստացված շտրեյզելը(խորիզը)։

_Թխել 180 աստիճանում մոտ 40 րոպե, պատրաստ լինելը ստուգել փայտիկով։

Ստացվում է ավելի շատ կեքսի նման՝ շատ փափուկ, խոնավ, քաղցր շերտով։

Բարի ախորժակ:

Տեսանյութ