Սուրճով տորթ. Անուշաբույր քաղցրավենիք

Սուրճի սիրահարների համար. Նուրբ, համեղ, անուշաբույր սուրճով տորթ:

Սուրճով տորթ. Անհրաժեշտ բաղադրիչները

_Ալյուր 2,5 բաժակ

_Շաքարավազ 0,5 բաժակ

_Ձու 2 հատ

_Մածուն 1 բաժակ

_Եռման ջուր 1 բաժակ

_Լուծվող սուրճ 3 — 4 ճաշի գդալ

_Բուսական յուղ 0,5 բաժակ

_Սոդա 1,5 թեյի գդալ

_Փխրեցուցիչ 1 թեյի գդալ

_Աղ 1 պտղունց

Կրեմ

_Կարագ 250 գր

_Շաքարավազ 1 բաժակ

_Ջուր 0,5 բաժակ

_Լուծվող սուրճ 3 ճաշի գդալ

Ներծծման համար

_Եռման ջուր 0,5 բաժակ

_Կիտրոնի հյութ 1 ճաշի գդալ

_Շոկոլադ՝ զարդարման համար (ըստ ցանկության)

Սուրճով տորթ. Պատրաստման եղանակը

_Խառնել ալյուրը, սոդան, փխրեցուցիչը, աղը։

_Ձուն և շաքարավազը հարել։

_Հարած ձվերին ավելացնել մածունն ու բուսական յուղը։ Խառնել, մինչև հարթվի:

_Խմորի համար սուրճը լուծել եռման ջրի մեջ։

_Խմորի մեջ աստիճանաբար լցնել սուրճը՝ անընդհատ խառնելով զանգվածը, հարել մինչև հարթվի:

_Տապակը յուղել բուսայուղով։ Խմորը մաս-մաս լցնել տապակի մեջ։

_Թխել 5-6 բարակ շերտ։ Թխել տորթերը 180 աստիճան ջերմաստիճանում 8-10 րոպե։

_Պատրաստի շերտերը թողնել սառչի սենյակային ջերմաստիճանում։

_Կրեմի համար ջրով ու շաքարով թանձր օշարակ եփել։

_Տաք օշարակի մեջ ավելացնել սուրճը և խառնել, թողնել սառչի:

_Սառած օշարակը մաս-մաս ավելացնել կարագի մեջ և հարել կրեմը։

_Խառնել ջուրն ու կիտրոնի հյութը, այս հեղուկով խոնավեցնել շերտերը։

_Յուրաքանչյուր շերտին քսել կրեմի մի մաս, հավաքել տորթը:

_Կրեմը քսել այնպես, որ մի քիչ մնա տորթի կողքերը ծածկելու համար։

_Պատրաստի տորթին ցանել քերած շոկոլադ։ Սառնարանում թողնել առնվազն 2 ժամ, ավել լավ կլինի՝ ամբողջ գիշեր։

Պատրաստի տորթը հանել սառնարանից։ Կտրատել և մատուցել ձեր սիրած ըմպելիքի հետ:

Բարի ախորժակ:

Տեսանյութ

Զոլավոր բիսկվիթ թթվասերով 2 րոպեում