Սուֆլե տորթ Բելլա. Նրբահամ թեթև աղանդեր

Իսկական քաղցր գլուխգործոց՝ Սուֆլե տորթ Բելլա պատրաստելու համար անհրաժեշտ են շատ պարզ ու մատչելի մթերքներ:

Սուֆլե տորթ Բելլա. Անհրաժեշտ բաղադրիչները

_Ձու 4 հատ

_Կաթնաշոռ 300 գր

_Շոկոլադ 100 գր

_Թխվածքաբլիթ 200 գր

_Կարագ 50 գր

Սուֆլե տորթ Բելլա. Պատրաստման եղանակը

_Շոկոլադը հալեցնել գոլորշու վրա և թողնել, որ սառչի՝ ժամանակ առ ժամանակ խառնելով, որ միատարր մնա։

_Դեղնուցները բլենդերով հարել կաթնաշոռի հետ, ապա խառնել հալած շոկոլադը։

_Սպիտակուցները հարել հարիչով, մինչև կայուն փրփուր դառնա և զգուշորեն խառնել կաթնաշոռի և շոկոլադի հետ, բահիկի միջոցով՝ ներքևից վերև խառնելով։

_Թխվածքաբլիթները փշրել ու խառնել հալված կարագի հետ:

_Թխելու ձևամանը ծածկել յուղաթղթով և լցնել փշուրների զանգվածը, իսկ դրա վրա սուֆլեի զանգվածը:

_Ձևամանը դնել ջեռոցի տապակի մեջ, ջուր լցնել, որպեսզի այն կիսով չափ լինի ջրի մեջ։

_Ջեռոցը տաքացնել 180 աստիճանով և թխել 50-55 րոպե։

_Աղանդերը կաղապարի մեջ զովացնել 10 րոպե, ապա հանել կաղապարը և թողնել սուֆլեն ամբողջովին սառչի։

_Աղանդերը կարելի է զարդարել շոկոլադե չիպսերով, կոկոսի փաթիլներով, կտրատած ցանկացած ընկույզով և այլն, ըստ ճաշակի:

Բարի ախորժակ:

Տեսանյութ

Տորթ Մարս