Վարսակով տորթն այն աղանդերներից է, որոնց համար պետք չեն ալյուր կամ ավելորդ շաքար: Ավելին, այն շատ մատչելի է:
Աղանդերի համար պետք չէ թխել շերտերը, նույնիսկ պետք չէ նախապես եփել վարսակի փաթիլները։ Պարզապես մի քիչ տապակեք չոր տապակի մեջ՝ ավելի պայծառ համ ստանալու համար:
Ջեռոցը նույնպես պետք չէ. տորթը «պատրաստվում» է սառնարանում։ Հետևաբար, շատ կարևոր է բարձր յուղայնությամբ կաթ վերցնել: Եթե կոկոսի կաթ չունեք, սովորական սերուցքը նույնպես հարմար կլինի։
Վարսակով տորթ. Անհրաժեշտ բաղադրիչներ
_Վարսակի փաթիլներ 300 գ
_Մուգ շոկոլադ 180 գ
_Կոկոսի կաթ կամ սերուցք 400 մլ
Վարսակով տորթ. Պատրաստման եղանակը
_Չոր տապակն առանց ձեթի տաքացնել և մեջը լցնել վարսակի փաթիլները։ Տապակել մինչև թեթևակի կարմրեն՝ անընդհատ խառնելով (մոտ 3 րոպե):
_Կաթսայի մեջ լցնել կոկոսի կաթը (առնվազն 11% յուղայնության): Շոկոլադը հալեցնել կաթի մեջ մինչև համասեռ զանգված ստացվի:
_Վարսակի փաթիլների վրա լցնել տաք շոկոլադի և կոկոսի կաթի խառնուրդը և մանրակրկիտ խառնել։
_Ջեռոցի տապակի վրա լցնել վարսակի փաթիլների և շոկոլադի խառնուրդը: Թեթևակի հարվածեք այն սեղանին՝ աղանդերը հարթեցնելու համար:
_Ձևամանը թողնել սառնարանում ամբողջ գիշեր, մինչև ամբողջովին պնդանա։ Սովորաբար 4 ժամը բավական է։
Վարսակով տորթը պատրաստ է:
Այս աղանդերի ամենալավ կողմն այն է, որ բավական է երեկոյան 5 րոպե տրամադրել, և աղանդերը պատրաստ կլինի առավոտյան սուրճի համար: Եթե կակաոյի բարձր պարունակությամբ շոկոլադ վերցնեք, ապա ավելի առողջարար կլինի։
Եվս մի փոքրիկ հուշում. ավելացրեք ձեր սիրած ընկույզը վարսակով տորթին: Սա էլ ավելի համեղ կդարձնի։
Բարի ախորժակ:
