Տապակած ձողիկներ չորակի. Մանկուց սիրելի հյուրասիրություն

Մածունով խմորով թխվող չորակիներ՝ տապակած ձողիկներ պատրաստելու պարզ բաղադրատոմս:

Շատերն են սիրում այս քաղցրավենիքը, բայց միայն քչերը գիտեն դրա պատրաստման հին, դասական բաղադրատոմսը: Այստեղ ամեն ինչ շատ պարզ է և արագ, մթերքների հավաքածուն մեծ չէ և մատչելի է:

Տապակած ձողիկներ չորակի. Հարկավոր են հետևյալ բաղադրիչները

_ կեֆիր կամ մածուն 110 գ

_ դեղնուցներ 3 հատ

_ մի պտղունց աղ

_ օղի կամ կոնյակ 1 — 2 ճաշի գդալ

_ սոդա, 0,5 թեյի գդալ

_ շաքարավազ 2 ճաշի գդալ

_ ալյուր մոտ 300 գ

_ շաքարի փոշի

Տապակած ձողիկներ չորակի. Պատրաստման եղանակը

_ Դեղնուցները կամ 1 մեծ ձու խառնել սենյակային ջերմաստիճանի մածունի հետ:

_ Ավելացնել աղ, շաքարավազ, օղի կամ կոնյակ, խառնել։ Ալկոհոլը անհրաժեշտ է չորակիի խրթխրթան կեղևի և երկարատև թարմության համար. տապակած խմորը շատ յուղ չի ներծծի:

_ Ալյուրը մաղել և խառնել սոդայի հետ։

_ Հեղուկ հիմքի մեջ մաս-մաս լցնել ալյուրը, հարթ և փափուկ խմոր հունցել:

_ Խմորը ծածկել և թողնել 40 րոպե։

_ Ալյուր ցանած սեղանի վրա խմորը գրտնակել, կտրատել շերտեր, որոնց ներսում կտրվածք անել։

_ Շերտերը շրջել ներսով, որպեսզի ստանանք չորակիի դասական ձևը:

_ Տապակել բուսայուղի մեջ երկու կողմից՝ մինչև ոսկեգույն դառնալը։

_ Շաղ տալ շաքարի փոշի և մատուցել թեյի հետ։

Եփելուց անմիջապես հետո չորակին փափուկ կլինի, իսկ մի փոքր ուշ, երբ լավ սառչի, կդառնա խրթխրթան։

Բարի ախորժակ:

Տեսանյութ

Շաքար լոխում