Տնական բուլկիներ. Եթերային փափուկ քաղցրավենիք

Տնական բուլկիների համեղ բաղադրատոմսին վերջերս եմ ծանոթացել: Ճիշտն ասած, վաղուց էի թխում, բայց այսպիսի գեղեցիկ բուլկիներ առաջին անգամ ստացվեցին։

Խմորը շատ լավ է, հարուստ, քաղցր։ Իսկ դրանց միջուկը կարող է լինել ցանկացած, այս անգամ ես արեցի խնձորով, բայց ընդամենը մի երկու շաբաթ առաջ պատրաստեցի կաղամբով, այդպես նույնպես շատ համեղ էր։

Տնական բուլկիներ. Անհրաժեշտ բաղադրիչները

Խմոր

_Կաթ 250 մլ

_Չոր խմորիչ 10 գրամ

_Աղ 0,5 թեյի գդալ

_Շաքարավազ 2 ճաշի գդալ

_Ձու 1 հատ

_Մարգարին 50 գրամ

_Ալյուր 400 գրամ

_Արևածաղկի ձեթ 2 ճաշի գդալ

_Վանիլին 0,5 տուփ

Լցոնի համար

_Խնձոր 0,5 կգ

_Շաքարավազ ըստ ճաշակի

_Մի քանի կաթիլ կիտրոնի հյութ

_Դարչին՝ ըստ ճաշակի

Տնական բուլկիներ. Պատրաստման եղանակը

_Կաթը տաքացնել, ավելացնել 2 ճաշի գդալ շաքարավազը, 2-3 ճաշի գդալ ալյուր և չոր խմորիչ։

_Խառնել, ծածկել սրբիչով և դնել տաք տեղում 25-30 րոպե։

_Նշված ժամանակից հետո ավելացնել հալած մարգարինը, ձուն, վանիլինն ու մաղած ալյուրը, հունցել խմոր:

_Արևածաղկի ձեթը պետք չէ անմիջապես ավելացնել, այլ խմորը հունցելիս լցնել ձեռքերի վրա և շարունակել հունցել։

_Երբ խմորը լավ հունցվել է, թողնել 1 ժամ՝ սրբիչով ծածկված։

_Խնձորները բարակ շերտերով կտրատել, խառնել ըստ ճաշակի շաքարավազի և դարչինի հետ, ավելացնել մի քանի կաթիլ կիտրոնի հյութ։

_Խմորի մի կտոր պոկել, ոլորել երկար գլանիկի ձևով, այն կտորների բաժանել։

_Յուրաքանչյուր կտորը գրտնակել ուղղանկյունի տեսքով՝ ալյուր ցանած տախտակի վրա:

_Խնձորները շարել ուղղանկյունի մեջտեղում։ Մի կողմում մի քանի կտրվածք անել։

_Խնձորներն առանց կտրվածքների կողմով ծածկել, եզրերը սեղմել, իսկ կտրվածքներով մասը վրան դնել և եզրերը սեղմել, որպեսզի միջուկը դուրս չգա։

_Բուլկիները դնել ջեռոցի տապակի վրա, որը ծածկված է յուղաթղթով, թողնել 15 րոպե, ապա վրան քսել հարած ձու։

_Ջեռոցը տաքացնել 180° և թխել 25-30 րոպե։

Բույրը պարզապես զարմանալի է, համը՝ նույնպես: Փորձեք այս կարկանդակը, ձեզ շատ դուր կգա:

Բարի ախորժակ:

Տեսանյութ

Հեշտ բուլկի