Տնական Էկլերը շատ համեղ դելիկատես է, որին պարզապես անհնար է դիմադրել։ Շատերին թվում է, թե դրանք տանը պատրաստելը շատ դժվար է, բայց իրականում դա ամենևին էլ այդպես չէ։
Թխեք դրանք այս բաղադրատոմսով և համոզվեք ինքներդ: Այս քանակից միջինում ստացվում է 14 հատ։ Էկլերները կարող եք լցնել ձեր նախընտրած ցանկացած միջուկով։
Տնական Էկլեր. Բաղադրիչներ
_ Կարագ 100 գր
_ Ջուր 200 մլ
_ Աղ 1 պտղունց
_ Ալյուր 130 գր
_ Հավի ձու 2-4 հատ
Տնական Էկլեր. Պատրաստման եղանակը
_Կաթսայի մեջ հալեցնել կարագը՝ վրան ջուր և մի պտղունց աղ ավելացնելով։
_Կաթսան կրակի վրա պահելով՝ ավելացնում ենք ալյուրը։
_Ալյուրը մաս-մաս ներմուծել՝ ամեն անգամ զանգվածը խառնելով։ Ընդամենը մի քանի րոպեից զանգվածը կվերածվի ընդհանուր կտորի։
_Այս պահին կաթսան հանել կրակից և թողեք, որ զանգվածը մի փոքր սառչի։
_Հետո հերթով ավելացնել ձվերը՝ ամեն անգամ մանրակրկիտ խառնելով։
_Նախ առաջին երկուսը մեկ-մեկ ներմուծել, իսկ երրորդը հարել բաժակի մեջ և շարունակել մաս-մաս ավելացնել խմորին։
_Կախված ձվի տեսակից՝ կարող է պահանջվել ոչ թե 3, այլ 2,5 կամ 3,5 ձու։ Խմորը պետք է ստացվի բավական թանձր, ոչ թե ծորուն: Եթե խմորը շատ ջրիկ լինի՝ էկլերները կփռվեն, իսկ եթե շատ թանձր լինի, չեն բարձրանա։
_Խմորը դնել յուղած յուղաթղթով ծածկված ջեռոցի տապակի վրա՝ երկարավուն շերտերով։ Կարող եք դա անել հրուշակեղենի տոպրակով կամ սովորական գդալով:
_Էկլերները թխել 180 աստիճանով տաքացված ջեռոցում մոտ 20-30 րոպե։ Մի բացեք ջեռոցը այդ ընթացքում:
_Էկլերները վերևից մի փոքր ոսկեգույն են, իսկ ներսից՝ խոռոչով:
_Սառեցնել մետաղյա ցանցի վրա՝ կողքից փոքրիկ անցք բացելով, որի միջով հետո կարող ենք լցոնել ցանկացած միջուկով։ Ես օգտագործել եմ շոկոլադե կրեմ:
Պատրաստի էկլերները, ցանկության դեպքում, կարող եք զարդարել ցանկացած գլազուրով կամ շաղ տալ շաքարի փոշի։
Բարի ախորժակ!
Տեսանյութ
Էկլեր
