Ձեր ուշադրությանն ենք ներկայացնում առողջ և աներևակայելի համեղ Տնական Ռաֆաելլո պատրաստելու բաղադրատոմս:
Իսկ դուք գիտե՞ք, թե ինչու է այն օգտակար. այս հմայիչ քաղցրավենիքները մենք կպատրաստենք կաթնաշոռից։ Այն շատ, շատ համեղ է, նույնիսկ փոքրիկ քմահաճները, կամ կաթնաշոռ չսիրողները հաճույքով նման աղանդերը կուտեն։
Պատրաստվում է հեշտ, շատ պարզ և արագ, իսկ բաղադրիչները մատչելի են։ Եկեք սկսենք:
Տնական Ռաֆաելլո. Անհրաժեշտ բաղադրիչները
_Կաթնաշոռ 300 գրամ
_Կոկոսի փաթիլներ 20 գր
_Շաքարի փոշի 100 գր
_Կոկոսի փաթիլներ՝ թաթախելու համար
Տնական Ռաֆաելլո. Պատրաստման եղանակը
_Կաթնաշոռը լցնել թանզիֆի մեջ, վրան կարելի է ծանրոց դնել, որ քամվի ամբողջ ավելորդ հեղուկը:
_Շաքարի փոշին և կոկոսի փաթիլները խառնել, ավելացնել պատրաստի կաթնաշոռի հետ։
_Թաց ձեռքերով գնդիկներ ձևավորել և թաթախել կոկոսի մեջ։
_Այսքան զանգվածից պետք է ստացվի մոտ 40 կոնֆետ:
_Պատրաստի կոնֆետները 30 րոպեով դնել սառցախցիկը։
_Մատուցել սառը վիճակում, այդպես կոնֆետները չեն կորցնի իրենց տեսքը։
Այսքան հեշտ է պատրաստել Ռաֆաելլոն տանը:
Բարի ախորժակ:
Տեսանյութ
Տորթ Ռաֆաելլո