Նման տնական տորթ դուք կպատրաստեք պարզ, արագ և մեծ հաճույք կստանաք դրա համից և բույրից։
Տնական տորթ. Անհրաժեշտ բաղադրիչները
_Ալյուր 140 գր
_Կակաո 45 գր
_Տաք ջուր 110 մլ
_Փխրեցուցիչ 1 թեյի գդալ
_Ձու 2 հատ
_Սոդա 1 թեյի գդալ
_Կաթ 110 մլ
_Բուսական յուղ 55 մլ
_Շաքարավազ 160 գր
Կրեմի համար
_Թթվասեր 400 գր
_Եփած խտացրած կաթ 170 գր
Տնական տորթ. Պատրաստման եղանակը
_Կակաոն խառնել մաղած ալյուրի, փխրեցուցիչի և սոդայի հետ, խառնել։
_Ավելացնել շաքարավազը, տաք կաթը, բուսայուղը և ձուն։ Հարել խառնիչով, մինչև հարթվի։
_Ավելացնել տաք ջուրը և հարել։
_Ձևամանը ծածկել յուղաթղթով, լցնել խմորը, ծածկել փայլաթիթեղով և դնել 180 աստիճան տաքացրած ջեռոցը և թխել մոտ 50 րոպե։
_Թթվասերը 5 րոպե հարել հարիչի բարձր արագությամբ, ապա ավելացնել եփած խտացրած կաթը և հարել մինչև համասեռ լինի։
_Սառեցրած թխվածքը կտրատել 3 շերտի և յուրաքանչյուրին կրեմ քսել, տորթ ձևավորել։
_Զարդարել ըստ ճաշակի՝ շոկոլադե գլազուրով, շոկոլադե մածուկով և շոկոլադի կտորներով։
Հուշում. մի մոռացեք, որ թխելու համար պետք է օգտագործել առանց հոտի, զտված բուսական յուղ։
Բարի ախորժակ:
Տեսանյութ
Տորթ Սնիկերս
