Տնական փխրուն տորթ. Համեղ և քաղցր աղանդեր թեյի համար

Մեր սիրելի Տնական փխրուն տորթի շատ հարմար բաղադրատոմս, քանի որ տորթը պետք է թրմվի և որքան երկար, այնքան լավ:

Հետևաբար, այն կարելի է պատրաստել նախորդ օրը և հետո հանգիստ զբաղվել այլ ուտեստների պատրաստմամբ։

Տնական փխրուն տորթ. Անհրաժեշտ բաղադրիչները

Շերտերի համար

_Կարագ 300 գր

_Ալյուր 450 գր

_Ձվի դեղնուց 4 հատ

_Շաքարավազ 150 գր

_Վանիլային շաքար 1 տուփ

_Աղ 1 պտղունց

Կրեմի համար

_Թթվասեր 33% 500 մլ

_Շաքարի փոշի 5 ճաշի գդալ

_Մանր կտրատած ընկույզ 1,5 բաժակ

_Լիկյոր 2 ճաշի գդալ

Տնական փխրուն տորթ. Պատրաստման եղանակը

_Կարագը շաքարավազի հետ հարիչով հարել, մինչև փարթամ զանգված դառնա՝ 7-10 րոպե։

_Շարունակելով հարել՝ ավելացնել ձվի դեղնուցները (մեկ առ մեկ)։

_Խառնել բոլոր չոր բաղադրիչները, ավելացնել ձվի կարագի զանգվածին և արագ հունցել խմորը։ Դնել սառնարանում 30-40 րոպե։

_Պատրաստի խմորը բաժանել 6 մասի։ Ավելի լավ է խմորն անմիջապես գրտնակել յուղաթղթի վրա՝ թեթևակի ալյուր ցանել և 22 սմ տրամագծով շրջան կտրել, անպայման պատառաքաղով ծակծկել։

_Ավելորդ մասերը պետք կգան տորթին փշրանքներ ցանելու համար:

_Թխել 200°C-ում, մինչև բաց ոսկե դարչնագույնը (5-10 րոպե)։

_Շերտերը թողնել, որ սառեն հենց թղթի վրա։ Նրանք շատ փխրուն են և նուրբ:

_Եթե շերտերը կոտրվեն, կարելի է նրանց թաքցնել տորթի մեջտեղում։ Շատերն են այս հնարքը օգտագործում։

_Թթվասերը հարել մինչև թանձրանա՝ աստիճանաբար ավելացնելով շաքարի փոշին։

_Վերջում ավելացնել լիկյորն ու ընկույզը, խառնել բահիկով։

_Մնում է միայն տորթը հավաքել, յուրաքանչյուր շերտի վրա քսելով կրեմի մի մասը։

_Վրան ցանել ընկույզ, իսկ կողքերին՝ մանրացված տորթի փշրանքներ։

Տորթը պետք է մնա թրմվելու՝ մոտ մեկ օր:

Բարի ախորժակ:

Տեսանյութ

Թափանցիկ լիմոնով տորթ