Խմորեղենի սիրահարներին հաճույք պատճառելու համար լավագույնը նուրբ Տորթի Կրեմ պատրաստելու հմտությունն է: Այնպես որ, լավ կլինի, եթե տարբեր բաղադրատոմսերով կրեմներ պատրաստեք, որոնք տարբեր իրավիճակներում օգնության կգան:
Տորթի Կրեմ. Սերուցքային կրեմ
Համով այս կրեմը պաղպաղակ է հիշեցնում և հարմար է տորթերի շերտերին քսելու համար։
Սերուցքային կրեմ. Բաղադրիչներ
_1 ձու
_200 գ շաքարավազ
_40 գ եգիպտացորենի օսլա
_400 մլ կաթ
_100 գ կարագ 82,5% յուղայնությամբ
_200 գ սերուցք 33% յուղայնությամբ
Սերուցքային կրեմ. Պատրաստման եղանակը
_Ձուն, շաքարավազն ու օսլան հարել։ Կաթը եռացնել և բարակ հոսքով լցնել ձվի խառնուրդի մեջ, ուշադիր խառնելով՝ միատարրության հասնելու համար։
_Ստացված զանգվածով կաթսան դնել միջին կրակի վրա և անընդհատ խառնելով եփել մինչև թանձրանա։ Ավելացնել փափկած կարագ և հարել զանգվածը։
_Խառնուրդը տեղափոխել լայն ամանի մեջ, ծածկել պոլիէթիլենային թաղանթով և սառեցնել սառնարանում։
_Այնուհետև հարիչով թեթև հարել։ Առանձին հարել սերուցքը կրեմի խտության աստիճան և խառնել եփած խառնուրդի հետ:
Տորթի Կրեմ. Կաթնաշոռային թթվասերով կրեմ
Կատարյալ է տորթի շերտերին քսելու համար:
Կաթնաշոռային թթվասերով կրեմ. Բաղադրիչներ
_400 գ թթվասեր 25-30% յուղայնությամբ
_100-150 գ շաքարավազ
_վանիլային շաքար — համտեսել
_200 գ կաթնաշոռ 9% յուղայնությամբ
Կաթնաշոռային թթվասերով կրեմ. Պատրաստման եղանակը
_Հարիչով հարել թթվասերը երկու տեսակի շաքարավազի հետ։ Այն պետք է ամբողջությամբ լուծվի:
_Կաթնաշոռը բլենդերով տրորել և թթվասերի հետ հարել մինչև հարթ լինի։ Կրեմը կես ժամով դնել սառնարանը։
Տորթի Կրեմ. Սերուցքային-պանրային կրեմ
Հիանալի է տորթը զարդարելու, հարթեցնելու և սենդվիչներ պատրաստելու համար:
Սերուցքային-պանրային կրեմ. Բաղադրիչներ
_400 գ սերուցքային պանիր
_100 գ սերուցք 33% յուղ
_50 գ շաքարավազ
Սերուցքային-պանրային կրեմ. Պատրաստման եղանակը
_Պանիրն ու սերուցքը նախապես սառնարանում սառեցնել։ Հարիչի ամանը և ոտիկները պատրաստելուց առաջ մոտ կես ժամով դնել սառցարանում։
_Լցնել բոլոր բաղադրիչները սառեցված ամանի մեջ: Ցածր արագության տակ հարիչով հասցնել հարթ վիճակի:
_Այնուհետև արագացրեք և կրեմը հարելով դարձնել թանձր, փափուկ զանգված։ Որպես կանոն, ամբողջ գործընթացը տևում է ոչ ավելի, քան 5 րոպե:
Բարի վայելում:
