Տորթ առանց ջեռոցի. Նապոլեոն տորթ ամեն օրվա համար, արագ և համեղ ստացվող բաղադրատոմս
Բոլորի սիրած տորթի ամենաարագ բաղադրատոմսերից մեկը: Դուք ժամանակի մեծ մասը կծախսեք կրեմի պատրաստման վրա, որպես հիմք վերցնելու վերցնելու են շերտավոր խմորով թխվածքաբլիթներ:
Տորթ առանց ջեռոցի. Անհրաժեշտ բաղադրիչները
_Շերտավոր խմորով թքվածքաբլիթներ 500 գ
_Շաքար 100 գր
_Վանիլին
_Կաթ 800 գր
_Ձու 2 հատ
_Կարագ 80 գր
_Օսլա 2 ճաշի գդալ
_Ալյուր 4 ճաշի գդալ
Տորթ առանց ջեռոցի. Պատրաստման եղանակը
_Կաթի մեջ խառնել շաքարավազը և վանիլինը, ավելացնել ձուն, օսլան և ալյուրը: Զանգվածը թույլ արագությամբ հարել, որ գնդիկներ չլինեն:
Հուշում. Դուք կարող եք հերթով ավելացնել բոլոր բաղադրիչները, բայց կարող եք ամեն ինչ միանգամից լցնել և լավ խառնել հարիչով: Արդյունքը միշտ նույնն է, կարևորը` եփել և խառնել:
_Եփել թույլ կրակով՝ զգույշ խառնելով: Եթե ձեզ դուր է գալիս ոչ շատ թանձր կրեմ, ապա ավելի քիչ ալյուր ավելացրեք:
_Երբ զանգվածը թանձրանա՝ կրեմը վերցնել կրակից և թողնել սառչի:
_Կարագը թողնել, որ փափկի:
_Տորթ ձևավորելու համար վերցնել ձևաման, ծածկել փայլաթիթեղով կամ յուղաթղթով:
_Կարագը հարիչով հարել մինչև սպիտակելը և մաս առ մաս ավելացնել կրեմը, հարել ամբողջ զանգվածը մինչև համասեռ և եթերային լինի:
_Կաղապարի մեջ շարել թխվածքաբլիթները շերտով և լավ քսել կրեմը, ապա շարել հաջորդ շերտն ու քսել կրեմ:
_Այսպիսով՝ հավաքել ամբողջ տորթը, վերևի մասում ցանել թխվածքաբլիթի փշրանքներ, ծածկել պոլիէթիլենով և ամբողջ գիշեր թողնել սառնարանում:
_Տորթը ստացվում է փափուկ, համեղ և շատ քնքուշ:
Եթե ձեզ դուր չի գալիս բարդ կրեմը, ապա հարած թթվասերից և շաքարի փոշուց պատրաստված կրեմը նույնպես հարմար է այս քաղցրավենիքի համար:
Շերտերին կարող եք ավելացնել սալորաչիր և կստանաք արքայական աղանդեր:
Բարի ախորժակ:
Տեսանյութ
Նապոլեոն տորթ