Ինչպես ասես չեն կոչել այս աղանդերը՝ և տորթ Թագ, և Սենատոր, և Թռիչք:
Բայց էությունը միշտ նույնն է՝ նուրբ կրեմ և ընկույզով խրթխրթան բեզե:
Տորթ Թագ. Անհրաժեշտ բաղադրիչները
_Ձվի սպիտակուց 4 հատ
_Շաքարավազ 1 բաժակ
_Վանիլային շաքար 1 ճաշի գդալ
_Ընկույզ 150 գր
Կրեմի համար
_Խտացրած կաթ 1 բանկա
_Քաղցր սերուցքային կարագ 250 գր
_Վանիլային շաքար 1 ճաշի գդալ
Տորթ Թագ. Պատրաստման եղանակը
_Բեզեի համար այն տարան, որում պետք է հարեք սպիտակուցները և հարիչը, սրբեք քացախի մեջ թաթախված թղթե սրբիչով։
_Ձվի սպիտակուցները լցնել տարայի մեջ և հարել միջին արագությամբ, մինչև փարթամ փրփուր գոյանա, ավելացնել հարիչի արագությունը և բարակ հոսքով ավելացնել շաքարավազը և վանիլային շաքարը։
_Հարել այնքան, մինչև փրփուրը փայլի և այլևս չընկնի գդալից։
_Ջեռոցի երկու տապակները ծածկել յուղաթղթով: Օգտագործելով հրուշակեղենի տոպրակ կամ երկու թեյի գդալ, 3 սմ տրամագծով բեզեները միմյանցից որոշ հեռավորության վրա դնել ջեռոցի տապակի վրա:
_Դնել ջեռոցում, ջերմաստիճանը դնել 100°C և թխել այնքան, մինչև բեզեն ամբողջովին չորանա, 1,5-2 ժամ, թողնել բեզեները սառչեն:
_Կրեմի համար սենյակային ջերմաստիճանի կարագը վանիլային շաքարի հետ հարել մինչև փարթամանա:
_Շարունակելով հարել՝ աստիճանաբար լցնել խտացրած կաթը։ Ընկույզները մանր կտրատել։
_Վերցնել 22-24 սմ տրամագծով թիթեղյա կլոր կաղապար, ծածկել խոհանոցային թաղանթով, որպեսզի եզրերը դուրս կախվեն։ Ներքևի մասը թեթև քսել կրեմով և զգուշորեն շարել բեզեի շերտը։
_Կրեմի կեսը քսել բեզեի վրա, վրան շաղ տալ ընկույզի կեսը։ Դնել բեզեի երկրորդ շերտը, մնացած կրեմը և ընկույզը։
_Փշրել մնացած բեզեները տորթի վրա: Խոհանոցային թաղանթով փաթաթել, փակել կափարիչով և դնել սառցախցիկում առնվազն 2 ժամ, իսկ ավելի լավ է՝ 8 ժամով:
Մատուցելուց 15 րոպե առաջ տորթը հանել, զգուշությամբ հանել թաղանթը և տեղափոխել մատուցման ափսեի վրա։
Բարի ախորժակ:
Տեսանյութ
Կիևսկի տորթ