Տորթ Թռչնի կաթ կրեմով. Իհարկե, այս տորթը խորհրդային հրուշակեղենի դասական ներկայացուցիչ է: Այն ստեղծել են դեռ 70-ականներին Մոսկվայում ՝ բազմաթիվ փորձերի ընթացքում: Ի սկզբանե աղանդերը պատրաստում էին փափուկ հիմքով, սպիտակուցային սուֆլեի շերտով և շոկոլադե գլազուրով: Այդ ժամանակից ի վեր, դասական բաղադրատոմսից ստեղծեցին խոհարարական տարբերակների բազմազանություն: Մենք ձեզ կներկայացնենք, թե ինչպես թխել Թռչնի կաթ տորթը կրեմով:
Փորձեք սիրած աղանդերը պատրաստելու այս մեթոդը: Թռչնի կաթը ստացվում է նույնիսկ ավելի քնքուշ ու եթերային: Ավելին, աղանդերը պատրաստվում է շատ արագ և հեշտությամբ: Նույնիսկ սկսնակ խոհարարը կարող է պատրաստել այն: Իսկ հետո հարազատներն ու ընկերները հիշողության գիրկը կընկնեն: Սա մանկության իսկական համն է:
Տորթ Թռչնի կաթ. Անհրաժեշտ բաղադրիչները
_Շաքարավազ 150 գ
_Ձու 4 հատ
_Ցորենի ալյուր 200 գ
_Կակաոյի փոշի 2 ճաշի գդալ
_Փխրեցուցիչ 1 ճաշի գդալ
_Կաթ 50 մլ
_Կրեմ 300 մլ
_Սև շոկոլադ 200 գր
Տորթ Թռչնի կաթ. Պատրաստման եղանակը
_Հարել ձվերը և շաքարավազը մինչև փրփրելը: Խառել ալյուրը, կակաոն և փխրեցուցիչը, ձվի զանգվածին ավելացնել չոր բաղադրիչները, հարել:
_Թխելու ձևամանը ծածկել յուղաթղթով և հավասարաչափ լցնել հիմքի համար նախատեսված խմորը: Ձևամանը 30 րոպեով դնել ջեռոցում 180 °C ջերմաստիճանում:
_Պատրաստի թխվածքի վրա ատամի չոփիկով անցքեր անել և վրան կաթ լցնել: Հավասարապես տարածել, որ հեղուկը ամբողջությամբ կլանվի:
_Լավ հարել սերուցքը, մինչև ստացվի ամուր փրփուր: Լցնել հարած սերուցքը խմորի շերտի վրա և սառնարանում դնել 1 ժամ:
_Հալեցնել շոկոլադը և լցնել սերուցքի վրա: Թող սառչի:
Թռչնի կաթ տորթը կարող եք զարդարել ցանկացած հատապտուղներով: Ելակները, ազնվամորիները և հաղարջը հատկապես լավ տեսք են տալիս թխվածքին:
Աղանդերը կտրեք մասերի և վերևում շարել հատապտուղները: Կարելի է ցանել շաքարի փոշի, կակաո կամ քերած շոկոլադ:
Տորթ Թռչնի կաթ պատրաստ է:
Բարի ախորժակ: