Տորթ Իրիս. Գայթակղիչ համ և գեղեցիկ տեսք ունեցող թխվածք

Այս Տորթ Իրիսը շատ համեղ է, հեշտ պատրաստվող, և ամենակարևորը՝ հիանալի տեսք ունի՝ փորձեք, չեք փոշմանի։

Սա Իրիս տորթի բաղադրատոմսերի մեջ լավագույններից է։ Թխելու համար կպահանջվի մոտ 1 ժամ։

Տորթ Իրիս. Անհրաժեշտ բաղադրիչները

_Գետնանուշ՝ ըստ ցանկության

_Ձու 2 հատ

_Շաքարավազ 80 գրամ

_Կարագ 150 գր

_Ալյուր 350 գր

_Փխրեցուցիչ 1 թեյի գդալ

_Եփած խտացրած կաթ 700 գր

_Աերուցք 500 մլ

Տորթ Իրիս. Պատրաստման եղանակը

_Բոլոր մթերքները պետք է լինեն սենյակային ջերմաստիճանի:

_Նախ տապակել գետնանուշը, այն պետք է բարակ շերտով լցնել ջեռոցի տապակի վրա, դնել ջեռոցը 5 րոպե, չորացնել 180 ° ջերմաստիճանում:

_Հանել ջեռոցից, կեղևը մաքրելուց հետո բլենդերով մանր փշրել։

_Խմորի ամանի մեջ կոտրել երկու ձուն, ավելացնել շաքարավազը, խառնել մինչև հարթվի։

_Ավելացնել կարագը և 100 գ եփած խտացրած կաթը։

_Հարել և լցնել ալյուրը  փխրեցուցիչի հետ միասին:

_Խմորը խառնել, ապա ձեռքերով հունցել, ստացվում է շատ փափուկ, ձեռքերին մի քիչ կպչող խմոր:

_Այն պետք է բաժանել 9 մասի, և գրտնակելով բացել 9 շերտ։

_Դնել ջեռոցը, թխել 180 ° ջերմաստիճանում մինչև կարմրի:

_Քանի դեռ շերտերը չեն սառչել, կտրել նախընտրած ձևով:

_Մի փոքր հնարք, եթե ձեր ձևամանը միաձույլ է և կարգավորելի, ապա խմորի կողքերը կտրեք դանակով՝ ներքին եզրով:

_Կրեմը շատ արագ է եփվում, անհրաժեշտ կլինի եփած խտացրած կաթ (ընդամենը 600 գ) և սերուցք։

_Ցանկալի է եփած խտացրած կաթը վերցնել սենյակային ջերմաստիճանի։

_Դա անհրաժեշտ է, որպեսզի խտացրած կաթն ավելի համասեռ դառնա։

_Սերուցքի ընդհանուր ծավալը կպահանջվի 500 մլ, պետք է ընտրել նվազագույնը 33% յուղայնությամբ սերուցք։

_Թեթև սերուցքը հարելու համար հարմար չէ, նախ խտացրած կաթը, սերուցքը առանձին հարել, հետո ամեն ինչ խառնել։

_Շերտը դնել կաղապարի հատակին, քսել կրեմը, հետո նորից շերտը և նորից կրեմը, այդպես կրկնել 9 շերտերի հետ։

_Ձևավորման համար օգտագործել մնացած փշրանքները։

_Տորթը պետք է լավ թրմվի սառնարանում։

Բարի ախորժակ:

Տեսանյութ

Տորթ Իրիսկա ամենահաջող բաղադրատոմսը