Տորթ Հանելուկ. Համտեսելուց հետո անհնար է դիմակայել գայթակղությանը

Նուշով, անչափ նուրբ Տորթ Հանելուկը պատրաստվում է առանց ալյուրի։

Սպիտակուցային շերտերը խրթխրթան են, չափավոր քաղցր: Տորթը դասական է՝ կրեմով և զարդարված նուշի թերթիկներով։

Տորթ Հանելուկ. Անհրաժեշտ բաղադրիչները

_Սպիտակուցներ 4 հատ

_Շաքարի փոշի 100 գր

_Նուշ 250 գր

_Մի պտղունց աղ

Կրեմի համար

_Դեղնուցներ 4 հատ

_Շաքարավազ 100 գր

_Եգիպտացորենի օսլա 1 ճաշի գդալ

_Կաթ 150 մլ

_Կարագ 50 գր

 

Տորթ Հանելուկ. Պատրաստման եղանակը

_Նուշը մանրացնել որևէ հարմար ձևով մինչև մանր փշրանքներ ստացվեն, խառնել շաքարի փոշու հետ։

_Աղ անել ձվի սպիտակուցներին և հարել մինչև պնդանա և թանձրանա։

_Սպիտակուցները խառնել ընկույզի զանգվածի հետ՝ մինչև ամբողջովին համասեռ զանգված ստացվի։

_Ձևամանը (22 սմ) յուղել և լցել այս խմորը։

_Թխել 180 աստիճանով մոտ 20-30 րոպե, ըստ ջեռոցի։

_Դեղնուցները հարել շաքարավազի և օսլայի հետ, լցնել կաթը, խառնել, մինչև հարթվի։

Հուշում․ եթե եգիպտացորենի օսլա չկա, վերցրեք կարտոֆիլի օսլա։

_Զանգվածը դնել թույլ կրակի վրա և կրեմը խառնելով եփել, մինչև թանձրանա, թողնել հանգստանա:

_Հարիչով հարել փափկած կարագը, դրան մաս-մաս ավելացնել կրեմը և հարել, մինչև հարթ լինի։

_Բիսկվիթը կտրել 2 շերտի:

_Տորթ կազմել՝ շերտերին կրեմ քսելով և վրան նուշի թերթիկներ ցանելով։

_Թողնել 1 ժամ սենյակային ջերմաստիճանում, ապա մի քանի ժամով դնել սառնարանը։

Բարի ախորժակ:

Տեսանյութ

3 տորթ Մարս, Ռաֆաելլո, Բաունտի