Տորթ Նապոլեոն առանց թխելու. Կրեկերներով ու անչափ համեղ կրեմով աղանդեր
Չնայած ի տարբերություն դասական Նապոլեոնին բնորոշ բազմաթիվ շերտերի բացակայությանը, այս տորթը ստացվում է բավականին բարձր և ունենում է գեղեցիկ տեսք կտրվածքում: Արագ և հեշտ բաղադրատոմս է, որը ձեզանից պահանջվում է միայն եփովի կրեմ պատրաստել: Վանիլային պուդինգ ավելացնելու շնորհիվ, այն կստացվի թանձր, բայց նուրբ սուֆլեի հյուսվածքով և պաղպաղակի համով:
Հուշում. Բաղադրության քանակը նշված է 25 x 30 սմ չափսի տապակի համար: Օգտագործեք աղի կրեկերներ. Դրանք հաճելիորեն կթուլացնեն պուդինգի զանգվածի քաղցրությունը: Քաղցր վանիլային պուդինգ կրեմի համադրությունը աղի կրեկերների հետ տալիս է գերող զգացում:
Տորթ Նապոլեոն առանց թխելու. Անհրաժեշտ բաղադրիչներ
- Կաթ 1 լ
- Ցորենի ալյուր 1 բաժակ
- Վանիլային պուդինգ 2 հատ
- Ձվի դեղնուց 4 հատ
- Կարագ 200 գ
- Շաքարավազ 150 գ
- Վանիլային շաքար 10 գ
- Կրեկեր 200 գ
- Շաքարի փոշի՝ ըստ ճաշակի
Տորթ Նապոլեոն առանց թխելու. Պատրաստման եղանակը
- Կրեմ. 500 մլ կաթը խառնել ալյուրի, չոր պուդինի և դեղնուցների հետ մինչև հարթ զանգված ստացվի: Մնացած 500 մլ կաթը եռացնել կարագով և շաքարով:
- Կաթի մեջ լուծված խառնուրդը դանդաղ լցնել եռացող կաթի մեջ: Կրեմը եփել ցածր կրակի վրա շարունակ խառնելով, մինչև որ այն խտանա:
- Նախապես յուղաթղթով ծածկված տապակի վրա շարել կրեկերների շերտ:
- Լցնել այդ շերտի վրա մի փոքր տաք կրեմը, ապա վրան շարել կրեկերների երկրորդ շերտը և թեթևակի սեղմել այն:
- Տապակը դնել սառնարանում մի քանի ժամով (նախընտրելի է ամբողջ գիշեր): Մատուցելուց առաջ տորթի վրա ցանել շաքարի փոշի:
Տորթը չափազանց համեղ է: Առաջարկում եմ չձգձգել, այլ պատրաստել նոր համով:
Տորթ Նապոլեոնն առանց թխելու պատրաստ է:
Բարի ախորժակ:
Տեսանյութ
Տորթ առանց թխելու