Տորթ Շոկոլադով ծիածան. Գրավիչ և ախորժելի քաղցրություն

Տորթ Շոկոլադով ծիածանը ցուրտ ձմռանն իր տաք գույներով կջերմացնի ձեզ: Այս տորթը կհմայի իր համով և նրբությամբ:

Տորթ Շոկոլադով ծիածան. Անհրաժեշտ բաղադրիչները

_Ձու 4 հատ

_Կարագ 200 + 250 գր

_Շաքարավազ 200 գր

_Վանիլին 9 գր

_Թթվասեր 200 գր

_Փխրեցուցիչ 20 գր

_Ալյուր 200 գր

_Շոկոլադ 25 + 175 գր

_Կակաո 4,5  ճաշի գդալ

_Գել ներկ շագանակագույն

_Խտացրած կաթ 1 բանկա

_Սերուցք 125 մլ

Տորթ Շոկոլադով ծիածան. Պատրաստման եղանակը

_Փափուկ կարագը (200 գ) հարել մինչև փարթամանա, ավելացնել շաքարավազը, վանիլինը և լավ հարել։

_Հերթով ավելացնել ձվերը՝ ամեն անգամ հարելով։ Լցնել թթվասերը և լավ խառնել։

_Խառնել ալյուրն ու փխրեցուցիչը, մաղել և ստանալ խմոր։

Խմորը բաժանել 4 մասի

_Մաս 1 — ավելացնել հալած շոկոլադ (25 գ), կակաո (1 ճաշի գդալ), մի քանի կաթիլ ներկ:

_Մաս 2 — ավելացնել կակաոն (1 ճաշի գդալ)

_Մաս 3 — ավելացնել կակաոն (1/2 թեյի գդալ)

_Մաս 4 — ոչինչ չավելացնել:

_Թխել յուրաքանչյուր շերտ 15 րոպե 180 ° C ջերմաստիճանում:

_Շերտերը թրջել ցանկացած օշարակով և քսել կրեմով։

Կրեմ

_Կարագը հալեցնել, ավելացնել ջարդած շոկոլադը, ժամանակ առ ժամանակ խառնելով, մեջը լցնել խտացրած կաթ և ավելացնել կակաոն (1 ճաշի գդալ)։

_Խառնել մինչև հարթվի: Թողնել սենյակային ջերմաստիճանում սառչի, ապա հարել սերուցքը և խառնել սառած կարագային զանգվածի հետ։

Տորթը զարդարել նույն կրեմով և վրան ցանել մի քիչ կակաո։

Բարի ախորժակ:

Տեսանյութ

Տորթ Բրաունի