Տորթ Տոնածառ. Պայծառ գույներով և համով քաղցրավենիք

Ամանորյա սեղանի համար կարելի է տորթ տոնածառ պատրաստել։ Այն դուր կգա ինչպես երեխաներին, այնպես էլ մեծահասակներին:

 

Տորթ Տոնածառ. Անհրաժեշտ բաղադրիչները

_Ձու 3 հատ

_Շաքարավազ 1 բաժակ

_Սերուցքային մարգարին 500 գր

_Ալյուր 7 բաժակ

_Փխրեցուցիչ 3 թեյի գդալ

_Վանիլին 1 պտղունց

Կրեմի համար

_Թանձր թթվասեր 1 կգ

_Շաքարավազ 2 բաժակ

Ձևավորելու համար

_Կոկոսի կանաչ փաթիլներ 200 գր

_Գունավոր դրաժե

Տորթ Տոնածառ. Պատրաստման եղանակը

_Ձուն հարել շաքարավազի և վանիլի հետ։

_Հարելիս ավելացնել փափկած մարգարինը։ Ալյուրն ու փխրեցուցիչը մաս-մաս լցնել և խմոր հունցել։

_Խմորը գնդաձև հավաքել, փաթաթել պոլիէթիլենային թաղանթով և դնել սառնարանում 1 ժամ։

_Խմորից առանձնացնել մոտ 1/4 մասը, գրտնակել բարակ թխվածք։ Թխել շերտը մինչև փափկի 180 ° C ջերմաստիճանում, մոտ 8-10 րոպե:

_Խմորի մնացած մասից պատրաստել 1,5 — 2 սմ տրամագծով փոքրիկ գնդիկներ և թխել մինչև ոսկե դարչնագույնը:

_Գնդիկները մի փոքր կտափակեն և կստացվեն կիսագնդաձև թխվածքաբլիթներ։

_Շերտը և թխվածքաբլիթները թողնել սառչեն սենյակային ջերմաստիճանում։

_Կրեմի համար թթվասերը հարել շաքարավազի հետ։

_Շերտը դնել ամանի վրա, քսել կրեմի մի մասը, շարել թխվածքաբլիթի շերտը, քսել կրեմ։

_Թխվածքաբլիթների հաջորդ շերտը դնել, ներքևի շերտի մի մասը բաց թողնել, քսել կրեմ։

_Այսպիսով, տոնածառի շերտերը դնել մինչև վերջ:

_Տորթին ցանել կանաչ ներկված կոկոսի փաթիլներ, զարդարել գունավոր դրաժեներով։

Կարող եք ավելի հետաքրքիր ձևավորում մտածել ու այս պարզ տորթը դարձնել շքեղ տոնական աղանդեր։ Օրինակ կարելի է ոչ թե գնդիկներ անել, այլ աստղաձև թխվածքաբլիթներ:

Տորթը դնել սառնարանում, որ գիշերը կամ մի քանի ժամ թրմվի։

Բարի ախորժակ:

Թող գալիք տարին բարի լինի բոլորիս համար:

Տեսանյութ

Սիննաբոն բուլկիներ