Փափուկ բիսկվիթի բաղադրատոմսը վաղուց օգտագործվում է, այն միշտ հիանալի է ստացվում, հյուրերին դուր է գալիս: Բիսկվիթը պատրաստվում է պարզ և արագ, քիչ քանակով մթերքներից։
Դուք կարող եք այն հյուրասիրել տորթի փոխարեն, քանի որ ստացվում է շատ նուրբ և համեղ:
Փափուկ բիսկվիթ. Անհրաժեշտ բաղադրիչները
_Կեֆիր 1 բաժակ
_Մուրաբա 1 բաժակ
_Շաքարավազ 0,5 բաժակ
_Ալյուր 2,5 բաժակ
_Աղ մի պտղունց
_Սոդա 1 թեյի գդալ
_Ձու 2 հատ
Փափուկ բիսկվիթ. Պատրաստման եղանակը
_Ձվերը հարել մինչև հարթվի, ավելացնել կեֆիրը ու մուրաբան:
Հուշում. մուրաբան վերցրեք ձեր ճաշակով, բայց իդեալական տարբերակը ծիրանի կամ սալորի, ելակի, քաղցր և թթու համն է, այն ստեղծում է հիանալի հավասարակշռություն։
_Զանգվածին մի պտղունց աղ ավելացնել, մաս-մաս ավելացնել սոդայի հետ մաղած ալյուրը և խառնել։
_Խմորը պետք է լինի թանձր, ձգվող։
_Ձևամանին յուղ քսել և ցողել սպիտակաձավարով կամ ալյուրով, խմորը լցնել, հարթեցնել։
_Թխել 180 աստիճանում մոտ 30 — 40 րոպե: Փայտիկով ստուգել պատրաստ լինելը։
_Թխվածքը թողնել սառչի և մատուցել:
Թխվածքը շատ համեղ է, բայց եթե մի երկու րոպե ժամանակ կա, կարող եք հարել սերուցքային թթվասերը շաքարի փոշիով և վրան քսել կրեմը։
Բարի ախորժակ:
Տեսանյութ
Բիսկվիթ
