Պատրաստենք եթերային ու փափուկ բուլկիներ՝ փետուրի պես նուրբ։
Ես այս բաղադրատոմսի խմորն անվանում եմ բազմակողմանի. այն հարմար է բուլկիների, կարկանդակների և ռուլետների համար՝ տարբեր միջուկներով՝ և՛ քաղցր, և՛ աղի:
Փափուկ բուլկիներ. Անհրաժեշտ բաղադրիչները
_Տաք կաթ 200
_Ջուր 200 մլ
_Շաքարավազ 2 ճաշի գդալ
_Մի պտղունց աղ
_Չոր խմորիչ 1 տուփ
_Բուսական յուղ 100 մլ
_Փափկած կարագ 100 գր
_Ալյուր մոտ 750 գր
_Դեղնուց՝ քսելու համար
_Կակաչի սերմեր՝ ցանելու համար
Փափուկ բուլկիներ. Պատրաստման եղանակը
_Տաք կաթն ու ջուրը խառնել, ավելացնել շաքարավազը, խմորիչը և զանգվածը խառնել, թողնել 5-10 րոպե։
_Ավելացնել բուսական յուղը, աղը և խառնել։
_Լցնել մաղած ալյուրը՝ մասերով և լավ հունցել խմորը։
_Զանգվածը պետք է լինի փափուկ, ճկուն: Ալյուր կարող է ավելի քիչ անհրաժեշտ լինել։
_Խմորը ծածկել և թողնել տաք տեղում՝ 1 ժամ։
_Խմորը դնել ալյուր ցանած սեղանի վրա, հունցել։
_Խմորը բաժանել գնդիկների, քսել բուսայուղ, ծածկել:
_Յուրաքանչյուր գնդիկից ձեռքերով ձգել շերտ, քսել փափկած կարագ և փաթաթել խողովակաձև՝ եզրերը ներս խրելով։
_Շարել ջեռոցի յուղած տապակի վրա, ծածկել և թողնել 20 րոպե։
_Հարած ձվի դեղնուց քսել, ցանել կակաչի սերմեր։
_Թխել 190 աստիճանով՝ մինչև պատրաստ լինի։
_Ջեռոցի տապակը ծածկել սրբիչով և թողնել 20 րոպե։
Այսպիսի փքուն, փափուկ և քնքուշ, բուլկիների վառ բույրով, այն ձեզ անպայման դուր կգա։
Բարի ախորժակ:
Տեսանյութ
Հեշտ բուլկի կրուասաններ
