Փարթամ Փափուկ գաթա թխելու համար կարող ենք պատրաստել պարզ, արագ և համեղ, շերտավոր խմոր:
Թխվածքը պարզապես հալչում է բերանում, բուրավետ է, քնքուշ և հագեցնող: Այն միշտ դուր է գալիս երեխաներին։
Փափուկ գաթա. Անհրաժեշտ բաղադրիչները
_Կարագ 180 գր
_Ալյուր 400 գր
_Ձու 1 հատ
_Շաքարավազ 1 ճաշի գդալ
_Վանիլին ըստ ճաշակի
_Թթվասեր 150 գր
_Մի պտղունց աղ
_Սոդա 0,5 թեյի գդալ
Խորիզի համար
_Շաքարավազ 250 գր
_Ալյուր 250 գր
_Կարագ 100 գր
_Վանիլին ըստ ճաշակի
_Դեղնուց՝ քսելու համար
Փափուկ գաթա. Պատրաստման եղանակը
_Ալյուրը մաղել և խառնել շաքարավազի, աղի և սոդայի հետ։
_Սառեցրած կարագը խոշոր քերիչով քերել կամ կտրատել ալյուրի մեջ և զանգվածը վերածել փշրանքների։
_Ձուն հարել ու լցնել փշրանքների վրա, ավելացնել թթվասերն ու խմոր հունցել՝ ուղղակի զանգվածը գնդելով։
_Խմորը դնել տոպրակի մեջ և 40 րոպե թողնել սառնարանում։
_Խորիզի բոլոր բաղադրիչները խառնել, փշրանքների վերածել։
_Քանի դեռ միջուկը պետք չէ, այն դրեք սառնարանում։
_Սեղանին ալյուր ցանել, խմորը բաժանել 2 մասի:
_Խմորի յուրաքանչյուր մասը բարակ շերտով գրտնակել, վրան հավասարաչափ տարածել միջուկը և ամուր փաթաթել ռուլետաձև։
_Կտրատել կտորներով և դնել յուղաթղթով ծածկված ջեռոցի տապակի վրա:
_Գաթաների վրա հարած դեղնուց քսել։
_Թխել 180 աստիճանով, մոտ 20 րոպե, մինչև ոսկե դարչնագույնը:
Բարի ախորժակ:
Տեսանյութ
Գավառի գաթա
