Փափուկ կեքսիկներ. Նուրբ ու քաղցր թխվածք

Նուրբ ու Փափուկ կեքսիկներ այս բաղադրատոմսով դեռ չեք փորձել: Ուղղակի հրաշալի համ ունեն։

Մեկ անգամ փորձեք և միշտ կթխեք, քանի որ այն պատրաստվում է շատ պարզ և արագ։ Իսկական հյուրասիրություն քաղցրասերների համար։

Փափուկ կեքսիկներ. Անհրաժեշտ բաղադրիչները

_Ձու 2 հատ

_Աղ 1 պտղունց

_Շագանակագույն շաքարավազ 150 գր

_Վանիլային շաքար 8 գր

_Բուսական յուղ 70 գր

_Կաթ 180 գր

_Ալյուր 250 գր

_Փխրեցուցիչ 10 գր

_Շոկոլադի կտորներ

Փափուկ կեքսիկներ. Պատրաստման եղանակը

_Ձվերը հարել ամանի մեջ, աղի ու շաքարավազի հետ, ավելացնել վանիլային շաքարավազը, հարել խառնիչով։

_Հաջորդը, ավելացնել բուսական յուղը, խառնել:

_Կաթը ավելացնելուց հետո անընդհատ խառնելով՝ ալյուրը մաս-մաս ավելացնել։

_Լցնել փխրեցուցիչը, խառնել, ապա խմորին ավելացնել շոկոլադի կտորները։

_Կեքս թխելու համար սիլիկոնե կաղապարը վերցնել, յուրաքանչյուր անցքի մեջ թղթե կաղապար դնել և լցնել խմորը։

_Վրան զարդարել շոկոլադի քերուկով:

_Ջեռոցը տաքացնել 180 աստիճանով և թխել 15-20 րոպե։

Բարի ախորժակ:

Տեսանյութ

Կեքս Շոկոլադե մաֆիններ