Փափուկ կեքս. Նրբահամ քաղցրավենիք թեյի համար

Փափուկ կեքսը բուրավետ թխվածք է տանձի, բանանի և չամիչի քաղցրության ուժեղ մրգային բույրով:

Տաք երեկոյի կատարյալ ուղեկցություն կլինի մեկ բաժակ անուշաբույր թեյի հետ մատուցելու համար:

Փափուկ կեքս. Անհրաժեշտ բաղադրիչները

_Ալյուր 200 գր

_Փխրեցուցիչ 1 թեյի գդալ

_Տանձ 1 հատ

_Մածուն 100 մլ

_Կարագ 100 գր

_Շաքարավազ 100 գր

_Հավի ձու 2 հատ

_Բանան 100 գր

_Չամիչ 50 գր

_Ընկույզ 50 գր

_Սև շոկոլադ 90 գր

_Սերուցք 30% 50 մլ

Փափուկ կեքս. Պատրաստման եղանակը

_Չամիչը 10 րոպե թրջել տաք ջրով, լցնել քամոցի մեջ։

_Բանանն ու տանձը մաքրել, տանձի միջուկը հանել:

_Ընկույզները դանակով մանր կտրատել։

_Մրգերը բլենդերով մանրացնել խյուսի նման:

_Միացնել ջեռոցը, որպեսզի տաքանա մինչև 160 աստիճան։

_Փափուկ կարագն ու շաքարավազը հարել հարիչով և առանց դադարեցնելու, հերթով ավելացնել երկու ձվի դեղնուց, մածուն, մրգային խյուս։

_Ավելացնել ալյուրը փխրեցուցիչով և խառնել, խմորի մեջ ավելացնել ընկույզն ու չամիչը։

_Ձվի սպիտակուցները հարել մինչև պնդանա և նույնպես ավելացնել խմորին:

_Խմորը լցնել յուղաթղթով ծածկված և յուղով քսած կաղապարի մեջ։

_Վերևի մասը հարթեցնել և թխել 50 րոպե։

_Սառած կեքսի վրա ցանկության դեպքում ցանել շաքարի փոշի կամ գլազուր լցնել։ Դրա համար շոկոլադն ուղղակի հալեցրեք գոլորշու վրա։

Բարի ախորժակ:

Տեսանյութ

Արագ բիսկվիթ թթվասերով