Այսօր պատրաստելու ենք հետաքրքիր տարբերակով շատ փափուկ, Հյութեղ տապակած Հավի Կրծքամիս․ առանց թավա կեղտոտելու։ Զարմացա՞ք, այո շատ հետաքրքիր և նոր տարբերակ է՝ տապակում ենք գազօջախի վրա, ընթացքում կտեսնեք։
Տապակած Հավի Կրծքամիս Բաղադրատոմս
_Հավի կրծքամիս — 500 գր․
_Ձիթայուղ
_Համեմունքներ՝ աղ, պղպեղ, սխտորի փոշի, ծիթրոն թարմ և չորացրած, կարմիր չիլի պղպեղ
Պատրաստման եղանակը քայլ առ քայլ
_Կալկայի վրա ձիթայուղ ենք լցնում և խոհարարական վրձինով տարածում ենք
_Այնուհետև վրան աղ և սև պղպեղ ենք լավ ցանում
_Չորացրած ծիթրոն կամ օրեգանո ենք շաղ տալիս
_Այնուհետև սխտորի փոշի ենք ցանում, կարող եք նաև սխտորի մեկ ատամը կիսել և քսել այս ամենի վրա ավելի սուր հոտ և համ ստանալու համար
_Թարմ ծիթրոն աննկարագրելի ընդգծված և հարուստ համ ունի, թարմ տերևներից նույնպես շաղ ենք տալիս վրան
_Կարմիր չիլի պղպեղ ենք ավելացնում
_Հավի կրծքամիսը նախապես լավ լվանում ենք, բաժանում երկու մասի, եթե շատ հաստ են ցանկալի է նաև ըստ լայնության ևս կիսել
_Կտորներից մեկը տեղադրում ենք կալկայի մի հատվածում, թղթի մյուս կեսով ծածկում ենք հավի կրծքամիսը
_Հնարավորության դեպքում վերցրեք լավ հաստ յուղաթուղթ, եթե ձեր ձեռքի տակ ունեցածը բարակ է, ապա լրացուցիչ մեկ շերտ էլ տակից ավելացրեք
_Այժմ գազօջախի վրա դնում ենք թավան, ձիթայուղ չենք լցնում, պարզապես տաքացնում եք այն և վրան հենց այդպես յուղաթղթով պարուրված մեր հավի դոշն ենք դնում
_Մարմանդ կրակի վրա սկզբնական ծրջանում փակ կափարիչով պետք է տապակվի մեր հավի դոշը երկու կողմերից, յուրաքանչուրկողմից մոտ 5 րոպե
_Այս ընթացքում համեմունքները լրիվ ներքաշում է իր մեջ հավի կրծքամիսը, եփվում է ներսից
_Շուռումուռ ենք տալիս այս ընթացքում
_Նշված ժամանակահատվածից հետո կափարիչը բաց վիճակում ևս 2-ական րոպե յուրաքանչյուր կողմից հարկավոր է տապակել արդեն ուժեղ կրակի վրա
_Կալկան բացում ենք դանակի ծայրով մի փոքր կտրվածք անում, համոզվում, որ միսը կենտրոնից եփվել է և վերջ, անջատում ենք կրակը, վերցնում գազօջախից, հանում յուղաթղթից հավի կրծքամիսը
_Ահա տեսեք ինչ հյութալի, փափուկ, բուրավետ, անշուշտ շատ համեղ տապակա ենք ստացել, իսկ թավան բոլորովին մաքուր է մնացել
Շատ տնային տնտեսուհիներ այս բաղադրատոմսը հավանեցին և միանշանակ ուրախացան տապակած հավի կրծքամիս և միաժամանակ մաքուր թավա ունենալու գաղափարից։
Փափուկ, Հյութեղ տապակած Հավի Կրծքամիս․ առանց թավա կեղտոտելու Տեսանյութ
Հավի կրծքամիսը սառելուց հետո, կարելի մատուցել, որպես սառը խորտիկ, դե ինչ․ բարի ախորժակ։