Ժամանակին այս Փխրուն թխվածքաբլիթները կային հրուշակեղենի յուրաքանչյուր բաժնում, բայց հետո այն հանկարծակի անհետացավ, և այսօր դժվար է գտնել:
Ձեզ եմ առաջարկում շոկոլադե միջուկով համեղ և նուրբ թխվածքաբլիթների իմ բաղադրատոմսը։
Փխրուն թխվածքաբլիթներ. Անհրաժեշտ բաղադրիչները
_Ձու 2 հատ
_Կարագ 160 գր
_Շաքարի փոշի 160 գր
_Ալյուր մոտ 310 գր
_Աղ մի պտղունց
_Վանիլին ըստ ճաշակի
Միջուկի համար
_Խտացրած կաթ 45 գր
_Եփած խտացրած կաթ 100 գր
_Կակաո 25 գր
_Տաք ջուր 1 թեյի գդալ
Զարդարելու համար
_Շոկոլադ 90 գր
_Կարագ 40 գր
Փխրուն թխվածքաբլիթներ. Պատրաստման եղանակը
_Փափկած կարագը հարել մինչև փարթամանալը, ավելացնել շաքարի փոշին և հարել։
_Ձվերը առանձին հարել խառնիչով և մաս-մաս լցնել շաքարի փոշիով կարագի մեջ, հարել։
Հուշում. ինչպես տեսնում եք, բաղադրատոմսում փխրեցուցիչ չկա և որպեսզի թխվածքաբլիթները փափուկ լինեն, յուրաքանչյուր փուլում զանգվածը պետք է լավ հարել։
_Ալյուրը մաղել և մաս-մաս լցնել զանգվածի մեջ, բահիկով լավ խառնել։
_Ջեռոցի տապակը ծածկել յուղաթղթով։
_Խմորը տեղափոխել տոպրակի մեջ և կտրել մի անկյունը, կամ օգտագործել հրուշակեղենի տոպրակ։
_Խմորը երկարավուն սեղմել ջեռոցի տապակի վրա:
_Թխել 200 աստիճանով մոտ 10-12 րոպե, մինչև ոսկեգույն դառնա։
_Եփած թանձր խտացրած կաթը խառնել կակաոյի և սովորական խտացրած կաթի հետ, խառնել, մինչև հարթվի։
_Այս միջուկը լցնել սովորական կամ հրուշակեղենի տոպրակի մեջ և քսել թխվածքաբլիթների ներքևի մասում։
_Ծածկել երկրորդ թխվածքաբլիթով և ստանալ կրկնակի թխվածքաբլիթ՝ շոկոլադե շերտով։
_Կարագը շոկոլադի հետ հալեցնել և թխվածքաբլիթները մի ծայրով թաթախել ստացված գլազուրի մեջ։
_Եթե միջուկը շատ ջրիկ է և հոսում է, ապա կարելի է ավելացնել ավելի շատ կակաո, որպեսզի միջուկը խտանա։
Բարի ախորժակ:
Տեսանյութ
Էկլեր. Նոր մատչելի բաղադրատոմս
